O‘zbekiston Respublikasi Madaniyat vazirligi

Kuni kecha O‘zbekiston davlat filarmoniyasi va O‘zbek milliy maqom san’ati markazi Sirdaryo viloyati bo‘linmalarining 9 oylik faoliyati yuzasidan hisobot konserti tinglandi va sarhisob qilindi.

 

Mazkur yig‘ilishda madaniyat vazirining birinchi o‘rinbosari Bahodir Ahmedov boshchiligidagi ishchi guruh ishtirok etishdi.

 

Ishchi guruh tomonidan bo‘linmalar hisobotlari va konsert dasturlari atroflicha ko‘rib chiqildi. Shundan so‘ng ijodiy va ishchi xodimlar bilan muloqot o‘tkazilib, faoliyat jarayonida uchrayotgan muammolar tahlil qilindi.

 

Tashrif davomida rahbar va yoshlar uchrashuvi bo‘lib o‘tdi. Kun tartibida, iqtidorli ijodkor yoshlarni izlab topish , ularning Respublika miqyosidagi bayram tadbirlarida o‘z iqtidorlarini namoyish etish uchun keng yo‘l ochib berish ijodkor yoshlar bilan xorijiy davlatlariga gastrol safarlarini tashkil etish hozirgi davr musiqa va san’atni rivojlantirishda qilinayotgan keng ko‘lamli ishlar xususida alohida to‘xtalib o‘tildi. “Rahbar va yoshlar uchrashuvi”da 120 nafarga yaqin yoshlar ishtirok etdi.

 

"Biz hududlarni kezib, har bir hududda iqtidorli ijodkor yoshlar bilan suhbatlashishimizdan asosiy maqsad bitta - ertaga Siz O‘zbekiston qahramoni Munojot Yo‘lchiyeva, O‘zbekiston xalq artistlari Farrux Zokirov, Yulduz Usmonova, Ozodbek Nazarbekov, Yodgor Sa’diyev, Yoqub Ahmedov va sozandalarimiz Abduhoshim Ismoilov, O‘zbekistonda xizmat ko'rsatgan artistlar Abdurashid Abdulahadov, Abdurahmon Xoltojiyevlarning izdoshlarini izlab topib kelyapmiz. Ularning ertaga iqtidorini namoyon etishimiz uchun sizlar o‘z ustingizda ishlashingiz, ijodingizni namoyon etishingiz kerak. Buning uchun qo‘rqmasdan sahnaga chiqing, mana shu sahna sizniki, bu yog'i mardu maydon professional san’atkorlar bilan tengma teng, yelkama yelka turib, "Ustoz - shogird" an’anasiga rioya qilgan holda o‘z iste’dodingizni namoyon eting. Buning uchun mana biz Madaniyat vazirligi sizning qarshingizdamiz qo‘lingizdan tutgani keldik" - dedi Bahodir Ahmedov.

 

Tanqidiy va tahliliy tarzda tashkil etilgan uchrashuvda yoshlar o‘z iqtidorlarini namoyish etish bilan birga o‘zlarini qiziqtirgan savollariga yetarlicha javob oldilar.

 

Shundan so‘ng “Yashil makon” umummilliy loyihasi doirasida viloyat musiqali drama teatri hududida daraxt ekish marosimi bo‘lib o‘tdi. Unda madaniyat vazirining birinchi o‘rinbosari Bahodir Ahmedov tomonidan estalik uchun daraxt ko'chati ekildi.