Bahodir Ahmedov xizmat safari bilan Jizzaxda bo‘ldi
2024-11-09 21:10:00 / Yangiliklar
O‘zbekiston davlat filarmoniyasi hamda O‘zbek milliy maqom san’ati markazi Jizzax viloyati bo‘linmalarining 9 oylik faoliyati yuzasidan hisobot konsertlari bo‘lib o‘tdi.
Bugun, 9-noyabr kuni O‘zbekiston davlat filarmoniyasi va O‘zbek milliy maqom san’ati markazi Jizzax viloyati bo‘linmalarining 9 oylik faoliyati yuzasidan hisobot konserti tinglanib, takif va tavsiyalar berildi.
Mazkur hisobot konsertlarida vazirning birinchi o‘rinbosari Bahodir Ahmedov boshchiligidagi ishchi guruh ishtirok etdi.
Ishchi guruh tomonidan jamoalarning 9 oylik hisobotlari to‘liq ko‘rib chiqildi. Shundan so‘ng jamoalarning barcha xodimlari bilan suhbat o‘tkazilib, ijodiy faoliyat davomida yuzaga kelayotgan muammolar hamda yo‘l qo‘yilgan kamchiliklar tahlil qilindi.
Shuningdek, sohada ijod qilib kelayotgan yoshlar bilan uchrashuv ham tashkil etildi. “Rahbar va yoshlar uchrashuvi”da iqtidorli yoshlarni qo‘llab-quvvatlash, ularning ijodini respublika miqyosida, qolaversa xalqaro maydonlarda namoyish etishlari uchun amalga oshirilayotgan ishlarga to‘xtalib o‘tildi. Mazkur uchrashuvda 100 nafarga yaqin yoshlar ishtirok etdi.
Qizg‘in savol-javoblarga boy bo‘lgan uchrashuvda yoshlar o‘z iqtidorlarini namoyish etish bilan birga, o‘zlarining takliflari bilan ishtirok etishdi.
Shundan so‘ng “Yashil makon” umummilliy loyihasi doirasida viloyat musiqali drama teatri hududiga daraxt ekish marosimi bo‘lib o‘tdi. Unda madaniyat vazirining birinchi o‘rinbosari Bahodir Ahmedov tomonidan estalik uchun “Bruchina” daraxti ekildi.
Jizzax viloyati madaniyat boshqarmasida sayyor qabul o‘tkazildi. Unda madaniyat va san’at sohasi xodimlari bilan bir qatorda jismoniy shaxslarning murojaatlari ham tinglandi.