O‘zbekiston Respublikasi Madaniyat vazirligi

Ayni kunlarda madaniyat vaziri o‘rinbosari Yusufjon Usmonov xizmat safari bilan Xorazm viloyatida bo‘lib turibdi.

 

Kecha, 7-noyabr kuni davomida Xorazmning Bog‘ot, Hazorasp va Yangiariq tumanlaridagi madaniyat muassasalari faoliyati o‘rganildi. Xususan, 13-sonli, 14-sonli va 15-sonli bolalar musiqa va san’at maktabida bo‘lib, ularning moddiy-texnik bazasi mustahkamligi, cholg‘u asboblari bilan ta’minlanganligi, o‘quvchilarga yaratilgan sharoitlar, shuningdek, binolarning kuz-qish mavsumiga tayyorgarlik holati o‘rganildi.

 

Bundan tashqari, vazir o‘rinbosari ushbu hududlarda namunali madaniyat markazi sifatida tashkil etilayotgan obyektlarda olib borilayotgan qurilish-ta’mirlash ishlari bilan tanishdi.

 

Tashrif davomida aniqlangan kamchiliklarni bartaraf etish hamda muammolarni ijobiy hal etish yuzasidan mas’ullarga topshiriq va vazifalar berildi.

 

Vazir o‘rinbosarining Xorazm viloyatidagi xizmat safari davom etmoqda.