Jizzaxdagi madaniyat muassasalarida sohaga oid Qonun, qaror, farmon ijrosi, me’yoriy hujjatlar yuritilishi, raqamlashtirish bo‘yicha amalga oshirilgan ishlar hamda ijro intizomi holati o‘rganildi
2024-11-07 18:40:00 / Yangiliklar
Bugun, 7-noyabr kuni madaniyat vaziri o‘rinbosari Murodjon Majidov boshchiligidagi ishchi guruh xizmat safari bilan Jizzax viloyatida bo‘lib, sohaga oid Qonun, qaror, farmon ijrosi, me’yoriy hujjatlar yuritilishi, raqamlashtirish bo‘yicha amalga oshirilgan ishlar hamda ijro intizomi holati o‘rganildi.
O‘rganish davomida Baxmal, Sharof Rashidov tumanlari madaniyat bo‘limlari, madaniyat markazlari hamda bolalar musiqa va san’at maktablari faoliyati ko‘zdan kechirildi.
Har bir tuman-shaharlarda sahnali zal, kutubxona, kinozal va to‘garak xonalari bo‘lgan bittadan namunali madaniyat markazi faoliyatini yo‘lga qo‘yish borasida olib borilayotgan ishlar joyiga chiqqan holda o‘rganildi.
Madaniyat vaziri o‘rinbosari Murodjon Majidov tomonidan Baxmal tumani 6-son madaniyat markazi hamda 6-son bolalar musiqa va san’at maktabi, Sh.Rashidov tumanidagi 11-son madaniyat markazi hamda 8-son bolalar musiqa va san’at maktablari faoliyati o‘rganildi hamda qish-kuz mavsumini betalafot o‘tkazish maqsadida mas’ullarga tegishli topshiriqlar berildi.
Shuningdek, Xizmat safari davomida, Jizzax viloyati madaniyat boshqarmasida sayyor qabul o‘tkazildi. Unda madaniyat va san’at sohasi xodimlari bilan bir qatorda jismoniy shaxslarning murojaatlari ham tinglandi.
Murodjon Majidov har bir murojaat va soha vakillarining takliflarni nazoratga olib, ularning ijrosi bo‘yicha mas’ullarga tegishli vazifalarni belgilab berdi. Respublika darajasida hal qilinadigan masalalar tegishli idora va tashkilotlar bilan birgalikda ko‘rib chiqilishi bildirildi.