Diqqat, diqqat “Madaniyat to‘lqinlari” tanloviga start berildi
2024-11-04 10:40:00 / Yangiliklar
O‘zbekiston Respublikasi Madaniyat vazirligi, Yoshlar ishlari agentligi, Maʼnaviyat va marifat markazi, Iqtidorli yoshlarni qo‘llab-quvvatlash markazi hamkorlikda “Madaniyat to‘lqinlari” tanlovini boshlaydi.
Mazkur tanlov xalqimiz, ayniqsa, yoshlar orasida milliy g‘urur, Vatanga sadoqat, turli sohalarda kasbiy madaniyatni rivojlantirish, oilaviy qadriyatlar, urf-odat va anʼanalar kabi umuminsoniy ezgulik g‘oyalarini keng targ‘ib qilishga qaratilgan media material mualliflari o‘rtasida o‘tkaziladi.
Tanlovda professional va havaskor jurnalistlar, bloger, yutuber, podkaster va boshqalar ishtirok etishlari mumkin.
Media materiallar joriy yilning 1-dekabr kuniga qadar @iqtidorli_yoshlar_markaz manzili orqali elektron shaklda qabul qilinadi.
G‘olib deb topilgan 50 nafar ishtirokchilarning har biri 50 million so‘m miqdorida pul mukofoti bilan taqdirlanadi.
Taqdirlash marosimi joriy yilning 23-dekabr kuni Аlisher Navoiy nomidagi kino saroyida bo‘lib o‘tadi.
Qo‘shimcha maʼlumot olish uchun, Madaniyat vazirligi huzuridagi Iqtidorli yoshlarni qo‘llab-quvvatlash markaziga yoki +998 99 093-99-91 telefon raqamiga murojaat etishlari mumkin.
Tanlovda siz ham ishtirok eting!