O‘zbekiston Respublikasi Madaniyat vazirligi

#Xizmat_safari
#Xorazm

Kuni kecha madaniyat vazirining birinchi oʻrinbosari Avazxon Tadjixanov xizmat safari bilan Xorazm viloyatida boʻlib, Xorazmning madaniyat muassasalari faoliyatini o'rgandi.

Xizmat safarining birinchi kuni davomida Xorazmning Shovot, Gurlan va Urganch tumanlaridagi talim muassasalari, madaniyat markazlari faoliyati bilan tanishildi. Unda, Prezidentning Farmon va qarorlari ijrosini ta’minlash maqsadida madaniyat va san’at muassasalari tomonidan olib borilayotgan chora-tadbirlar o‘rganildi hamda ularga amaliy yordam ko‘rsatildi.

Shuningdek, tashrif davomida Avazxon Tadjixanov Urganch shahri va Gurlan, Shovot tumanlarida bo‘lib, madaniyat bo‘limlari tizimidagi madaniyat markazlari hamda madaniyat muassasalari bilan tanishdi.

Xususan, shu kuni Gurlan tumanidagi 8-sonli “Pahlavon Mahmud”, 9-sonli “Iqbol” madaniyat markazlari, 9-sonli bolalar musiqa va san’at maktabi, tuman ko‘zi ojizlar tarmoq kutubxonasi, Shovot tumanidagi 49-sonli “Nafosat”, 56-sonli “Oydin hayot” madaniyat markazlari hamda 10-sonli bolalar musiqa va san’at maktabi faoliyati bilan yaqindan tanishildi.

Shundan so‘ng Avazxon Tadjixanov Urganch shahridagi O‘zbekiston  davlat filarmoniyasining Xorazm viloyati bo‘linmasi uchun yangidan barpo etilayotgan binoning qurilish jarayonlari bilan tanishdi. Bu yerda jamoa uchun yaratiladigan sharoitlar, ijodiy jamoa, xususan, raqs mashg‘ulotlariga mo‘ljallangan xonalar, kichik zal hamda ansambl uchun repetitsiya xonalarini namunali qilib tashkil etish yuzasidan ko‘rsatma berdi.

Shuningdek, vazirning birinchi o‘rinbosari Urganch ixtisoslashtirilgan san’at maktab-internatida bo‘lib, o‘quvchilarning o‘quv-mashg‘ulotlari jarayonlari bilan tanishdi. Mavjud kamchiliklarni bartaraf etish yuzasidan mas’ullarga tegishli topshiriqlar berildi.

Tashrif viloyat musiqali drama teatrida davom ettirilib, ijodiy jamoa tomonidan sahnalashtirilayotgan “Padarkush” spektaklini sahnalashtirish jarayoni ko‘zdan kechirildi. Sahna asarini mukammal tayyorlash bo‘yicha vazifalar belgilab olindi.

Xizmat safarining navbatdagi kunida Avazxon Tadjixanov Urganch shahridagi ta’lim muassasalari faoliyati bilan tanishdi.
Xususan, Anna German nomidagi 1-sonli bolalar musiqa va san’at maktabida o‘quv-mashg‘ulotlari bilan tanishib, o‘quvchilarning ijodiy imtixonlari jarayonlarini ko‘zdan kechirdi.

Shundan so‘ng Urganch ixtisoslashtirilgan boshlang‘ich raqs san’ati maktab-internati hamda Xoreografiya akademiyasining Urganch filialida bo‘lib, o‘quvchi-talabalarga yaratilgan sharoitlar, dars-mashg‘ulotlari bilan tanishdi. 

Shuningdek, Gurlan, Hazorasp va Xiva tumanlarida DXSH asosida barpo etilayotgan madaniyat markazlarini tashkil etish istagida bo‘lgan tadbirkorlar bilan uchrashuv bo'lib o'tdi.

Xizmat safari jarayonida ta'lim muassasalarining dars jarayonlari, binolarning holati, kuz-qish davrida obyektlarning issiqlik taʼminoti bilan taʼminlanganligi hamda madaniyat markazlaridagi folklor-etnografik jamoalarning repertuarlari oʻrganildi.