#Xalqaro_hamkorlik

Yunus Rajabiy nomidagi O‘zbek milliy musiqa san’ati instituti rektori v.b Eldor Shermanov Turkiyaning Ege universiteti professori, Selami Fedakar uchrashuv o‘tkazib, hamkorlik masalalarini muhokama qildi.

 

Suhbat davomida institut rektori v.b Eldor Shermanov tomonidan institut faoliyati haqida Turkiyalik olimga ma’lumotlar berib o‘tildi. 

Shuningdek, endilikda professor, Selami Fedakarning o‘rindoshlik asosida Yunus Rajabiy nomidagi O‘zbek milliy musiqa san'ati institutida faoliyat olib borishiga ham kelishildi.

 

Yunus Rajabiy nomidagi O‘zbek milliy musiqa san’ati instituti rahbariyati tashabbusi bilan institutdagi ta’lim sifatini yangi bosqichga olib chiqish, yangi va zamonaviy mexanizmlarni joriy qilish, ilg‘or xorijiy oliy ta’lim muassasalari bilan hamkorlik qilish borasida bir qator ishlar olib borilmoqda. 

 

Ushbu hamkorlik aloqalarining amaliy natijasi o‘laroq bugun institutda dunyoning eng kuchli oliy ta’lim muassasalari reytingiga kirgan Turkiyaning mashhur Ege universiteti professori, Selami Fedakar tomonidan “Doston ijrochiligi” yo‘nalishi talabalari uchun dars mashg‘ulotlari boshlandi. 

 

Ma’lumot o‘rnida aytib o‘tishimiz joiz, professor Selami Fedakar institutda o‘rindoshlik asosida bir semestr davomida talabalarimizga dars mashg’ulotlari olib boradi.