O‘zbekiston Respublikasi Madaniyat vazirligi

So‘ngi yillarda mamlakatimizda madaniyat va san’at sohasida kadrlar tayyorlash tizimini rivojlantirish bo‘yicha tizimli ishlar amalga oshirilmoqda.

Madaniyat va san’at sohasida ta’lim klasteri – uzviylik va uzluksizlikni ta’minlash, o‘sib kelayotgan yosh avlodning ijodiy iqtidorini namoyon etishlari, musiqa va san’at turlariga nisbatan mehr-muhabbat uyg‘otish, san’at sohasida jahon madaniy merosini o‘rganishlari uchun zarur shart-sharoitlar yaratib kelinmoqda.

Bugun, 28-oktyabr kuni madaniyat vaziri Ozodbek Nazarbekov o‘quvchi yoshlarni musiqa va san’atga tizimli jalb etish hamda bolalar musiqa va san'at maktablarining umumta'lim maktablari bilan integratsiya masalalari yuzasidan tayyorlangan loyiha taqdimoti bilan tanishdi.

Taqdimot jarayonida madaniyat sohasidagi ta’lim muassasalariga mamalakatimizda istiqomat qilayotgan aholining barcha qatlamidagi yoshlarni qamrab olishga e’tibor qaratish, bu esa eng chekka hududdagi iqtidor egalarini ro‘yobga chiqarishda hamda ularni o‘qitishda, iste’dodlarini yanada rivojlantirishda ko‘maklashishi haqida ma'lumotlar berildi.

Madaniyat va san’at sohasida uzluksiz ta’lim tizimida bir maqsad asosida, uzviy vazifalardan kelib chiqqan holda yuqori saviyada o‘quv jarayonlari tashkil etish lozimligi haqida ta'kidlandi.

Taqdimot jarayonida madaniyat vazirining birinchi o‘rinbosari Avazxon Tadjixanov hamda vazirlikning tegishli boshqarma boshliqlari ishtirok etishdi.

Ma'lumot o'rnida, bugungi kunda Madaniyat vazirligi tasarrufida 367 ta ta’lim muassasasi faoliyat yuritadi.