Diqqat tanlov! Bastakorlar o‘rtasida “Maqom yo‘llarida yaratilgan eng yaxshi asar” VI Respublika tanlovini e’lon qiladi!
2024-10-23 10:00:00 / Yangiliklar
Joriy yilning 12-13-dekabr kunlari, Maqom san’atini rivojlantirish, zamonaviy bastakorlik an’analarini keng targ‘ib qilish, hamda maqom yo‘llari asosida yangi asarlar yaratishga yo‘naltirilgan ijodkorlarni kashf etish maqsadida, O‘zbekiston Respublikasi Madaniyat vazirligi, O‘zbek milliy maqom san’ati markazi, O‘zbekiston kompozitorlari va bastakorlari uyushmasi, O‘zbekiston Milliy teleradiokompaniyasi hamda O‘zbekiston Milliy axborot agentligi bilan hamkorlikda “Maqom yo‘llarida yaratilgan eng yaxshi asar” Respublika tanlovini e’lon qiladi!
Tanlovda ishtirok etishni istagan barcha bastakorlarni joriy yilning dekabr oyida bo‘lib o‘tadigan Respublika tanloviga taklif etamiz.
Ishtirokchilar joriy yilning 10-dekabr sanasiga qadar O‘zbek milliy maqom san’ati markazi yoki O‘zbekiston kompozitorlari va bastakorlari uyushmasiga quyidagi havoladagi hujjatlarni taqdim etishlari lozim: https://telegra.ph/Maqom-yollarida-yaratilgan-eng-yaxshi-asar-Respublika-tanlovi-10-21
Tanlov O'zbek milliy maqom san'ati markazi binosida bo'lib o'tadi.
Qo‘shimcha ma’lumot va hujjat topshirish uchun telefon raqamlari:
71 286-31-63
90 957-28-26