“Layli va Majnun” spektakli namoyish etildi
2026-10-24 13:25:00 / Yangiliklar
Andijon shahrida o‘tkazilayotgan IV TURKSOY xalqaro teatr festivali doirasida bugun O‘zbekiston davlat drama teatrining “Layli va Majnun” spektakli namoyish etildi.
Alisher Navoiyning “Xamsa” asaridagi uchinchi doston asosida sahnalashtirilgan spektaklda Majnunning Layliga bo‘lgan muhabbati, bu tuyg‘u orqali uning ma’naviy kamolotga erishishi tasvirlanadi. Asarda chin muhabbat insonni yuksak ma’naviyat sari yetaklovchi kuch sifatida talqin etiladi.
Festivalda O‘zbekiston, Qozog‘iston, Turkmaniston, Qirg‘iziston va Ozarbayjon teatr jamoalari ishtirok etmoqda. Tadbir turkiy davlatlar o‘rtasida ijodiy hamkorlikni mustahkamlash, tajriba almashish va teatr san’atini rivojlantirishga xizmat qiladi.
Ma’lumot uchun, festival 18–22-oktabr kunlari Andijon shahrida bo‘lib o‘tmoqda.