Abdulla Qodiriy haqidagi “Jinlar bazmi” spektakli namoyish etildi
2026-10-17 10:45:00 / Yangiliklar
O‘zbekiston davlat drama teatrida taniqli yozuvchi Xurshid Do‘stmuhammad qalamiga mansub “Jinlar bazmi” spektakli namoyish etildi. O‘zbekistonda xizmat ko‘rsatgan san’at arbobi Olimjon Salimov tomonidan sahnalashtirilgan mazkur asar tomoshabinlarga taqdim etildi.
Spektaklda aktyorlarning obrazlar talqini, qahramonlar ruhiyatini ochib berishdagi mahorati, ta’sirchan ijrosi hamda sahnaviy yechimlar alohida e’tiborga molik bo‘ldi. Ijrochilarning o‘z rollarini mahorat bilan gavdalantirgani sahna asarining ta’sirchanligini yanada oshirib, tomoshabinlarda katta taassurot qoldirdi.
Teatr jamoasining ijodiy izlanishlari va aktyorlarning professional mahorati uyg‘unligida namoyish etilgan spektakl tomoshabinlar tomonidan iliq kutib olindi. Asar yakunida ijodkorlar samimiy olqishlarga sazovor bo‘ldi.
Mazkur namoyish teatr san’atining badiiy imkoniyatlarini namoyon etish, adabiy asarlarni sahna orqali tomoshabinga yetkazish hamda milliy teatr an’analarini rivojlantirish yo‘lidagi ijodiy izlanishlarning yana bir namunasi bo‘ldi.