Bugun 24-sentyabr kuni madaniyat vazirining birinchi o‘rinbosari Bahodir Ahmedov Qashqadaryo viloyatida xizmat safarida bo‘ldi.

Safar davomida Qarshi tumanidagi 4- son madaniyat markazidagi “Momogul” folklor etnografik xalq ansambli, “Cho‘l chamani” ashula va raqs xalq ansambli jamoalarining ijodiy faoliyati bilan tanishdi.

Shuningdek, ta’mirlanib yangidan foydalanishga topshirilgan 7-son bolalar musiqa va san’at maktabida bo‘lib, o‘quvchi hamda xodimlar uchun yaratilgan shart-sharoitlar, amalga oshirilayotgan ishlar holatini ko‘zdan kechirdi.

Shundan so‘ng Bahodir Ahmedov Qashqadaryo viloyat qo‘g‘irchoq teatrida tuman va shahar madaniyat bo‘limi mudirlari, ta’lim muassasasi direktorlari ishtirokida mavjud muammolarni bartaraf etish, madaniyat va san’at sohasini yanada rivojlantirish hamda tizimda mavjud muammolarni bartaraf etish bo‘yicha mutasaddilarga tegishli ko‘rsatma va topshiriqlarni berdi.