Yurtimiz mustaqilligining 35 yilligi munosabati bilan tantanali tadbirlar davom etmoqda. Bugun, 15-sentyabr kuni O‘zbekiston Respublikasi Madaniyat vazirligida mamlakatimiz mustaqilligining 35 yilligi munosabati bilan Prezident Farmoni asosida ta’sis etilgan “O‘zbekiston Respublikasi Mustaqilligining 35 yilligi” esdalik nishonini soha vakillariga tantanali topshirish marosimi bo‘lib o‘tdi.

Tadbirda Yangi O‘zbekistonni barpo etish yo‘lida amalga oshirilayotgan keng ko‘lamli islohotlarda madaniyat va san’at sohasining o‘rni va ahamiyati alohida ta’kidlandi.

Tantanali marosimda esdalik nishonlarini O‘zbekiston Respublikasi madaniyat vazirining birinchi o‘rinbosari Nodirbek Sayfullayev topshirdi.

Taqdirlangan soha vakillariga mamlakatimiz madaniyati va san’atini yanada yuksaltirish, milliy qadriyatlarimizni asrab-avaylash va ularni xalqaro miqyosda keng targ‘ib etish borasidagi faoliyatida muvaffaqiyatlar tilab o‘tildi.

“O‘zbekiston Respublikasi Mustaqilligining 35 yilligi” esdalik nishonining topshirilishi madaniyat va san’at sohasi vakillarining ko‘p yillik samarali va fidokorona mehnatiga berilgan munosib baho, ularning mamlakatimiz madaniy hayotini rivojlantirishga qo‘shayotgan munosib hissasiga yuksak e’tirofning ifodasi bo‘ldi.