Oliy ta'lim muassasalarida 2024-2025-o'quv yili boshlandi
2024-09-09 10:45:00 / Yangiliklar
Bugun, 9-sentyabr kuni yurtimizdagi barcha Oliy ta'lim muassasalarida 2024-2025-o'quv yili boshlandi. O'quv yilining boshlanishi barcha muassasalarda bayramona va ko'tarinki ruhda bo'lib o'tmoqda.
Shunday tadbirlardan biri О‘zbekiston davlat san’at va madaniyat institutida ham tashkil etildi.
Tadbirda madaniyat vazirining о‘rinbosari Murodjon Majidov ishtirok etib, talabalik atalmish davr, bu yoshlar uchun ulkan imkoniyatlar manbayi ekanligini, bugun ular faqat о‘qib-о‘rganib, kelajak maqsadlari yо‘lida tinimsiz izlanishlari lozimligini ta’kidlab, barchani bayram bilan muborakbod etdi.
Shundan so’ng institut rektori, professor Nodirbek Sayfullayev yig‘ilganlarni Mustaqilligimizning 33 yillik ayyomi hamda yangi о‘quv yilining boshlanishi bilan muborakbod etar ekan, bugun cheksiz hayajon va yuksak maqsadlar bilan institut ostonasiga qadam qо‘ygan yoshlarga murojaat qilib, “Siz-u bizning maqsadimiz mushtarak, u ham bо‘lsa shu zaminda havas qilsa arziydigan buyuk kelajak bunyod etilishi va Yangi О‘zbekiston rivojiga munosib hissa qо‘shish, Muhtaram Yurtboshimiz tomonidan amalga oshirilayotgan olamshumul islohotlarga kamarbasta bо‘lishdir”, – dedi.
Ma'lumot o'rnida, bugungi kunda Madaniyat vazirligi tizimida jami 9 ta oliy ta’lim muassasalari mavjud.
Madaniyat vazirligi jamoasi Yangi O‘zbekistonning ilmga chanqoq yoshlarini yangi 2024-2025-o'quv yilinining boshlanganligi bilan tabriklab, har bir o'quv kunini mazmunli va samarali o‘tkazishingizni, kelajakda yuksak marralarga erishishingizni tilaydi!
Boshlangan yangi o‘quv yili muvaffaqiyatli kechsin!