“Simurg‘” ansambli 2021 yilda kamanchachi Elnur Mikayilov tomonidan tashkil etilgan.
Ansamblning barcha ijrochilari Ozarbayjonda va uning chegaralaridan tashqarida ham ko‘plab chiqishlari bilan mashhur. Guruh asoschisi Elnur Mikayilov ushbu guruhni mug‘om ijro etishning yangi usullarini izlash maqsadida tashkil etgan.
“Simurg‘” ansamblining asosiy maqsadi mug‘omni rivojlantirish va uni butun dunyoga targ‘ib etishdan iborat. Bu ansamblning musiqaga bo‘lgan yondashuvi qadimiy mug‘om an’analarini davom ettirib, ayni paytda uning zamonaviy musiqa bilan birligini o‘zida aks ettiradi.
Aytish mumkinki, guruhning barcha a’zolari dunyoning ko‘plab davlatlarida konsert dasturlari bilan chiqishgan. Ular AQSH, Angliya, Italiya, Fransiya, Germaniya, Avstraliya, Yangi Zelandiya, Shvetsariya va boshqalarda Yevropa va Osiyo mamlakatlarida o‘tkazilgan nufuzli xalqaro musiqa festivallarida ishtirok etdi.
Qo‘yidagilar ansambl a’zolari hisoblanadi:
Guruh asoschisi va rahbari sozanda, Elnur Mikayilovdir. U ko‘plab respublika va xalqaro tanlovlar g‘olibi. U dunyoning ko‘plab mamlakatlarida o‘tkazilgan muhim xalqaro musiqa festivallarida ishtirok etgan.
Miralam Mirelamov - Xonanda
Miralam Mirelamov ko‘plab xalqaro tanlov va festivallar g‘olibi. Jumladan, “Televizion mug‘om tanlovi”(2011 yil), “Respublika mug‘om tanlovi” (2013 yil), “III xalqaro mug‘om olami” (2013 yil) festivallari g‘olibi.
Kamila Nabiyeva – xonanda
U Haydar Aliyev jamg‘armasi tomonidan o‘tkazilgan Ozarbayjon televizion mug‘om tanlovi g‘olibi. Ko‘plab xorijiy mamlakatlarda konsert dasturlarini namoyish etgan.
Zaki Valiyev – tarchi
2009-yildan buyon Zaki Valiyev jahonga mashhur mug‘om ijrochisi Alim Qosimov bilan hamkorlikda faoliyat yuritib, dunyoning ko‘plab davlatlarining katta konsert zallarida chiqish qilgan.
Kamran Karimov – Barabanchi
Kamran Karimov, Ozarbayjon Respublikasida xizmat ko‘rsatgan artist. U dunyoning ko‘plab muhim xalqaro musiqa festivallarida ishtirok etgan.