Rossiya Federatsiyasining “Shimoliy xor” musiqiy jamoasi
Davlat akademik Shimoliy rus xalq xori 1926 yil 8 martda Velikiy Ustyugda Yakovlevna Kolotilova tomonidan tashkil etilgan. U  Rossiya va jahon konsert sahnalarida doimiy muvaffaqiyat bilan porlayotgan shimoliy Rossiya madaniyatining durdonasi hisoblanadi. 1960 yildan 2008 yilgacha Shimoliy xorning badiiy rahbari SSSR xalq artisti Nina Konstantinovna Meshko bo‘lgan. 2008 yildan beri guruhning badiiy rahbari Gnessin nomidagi Rossiya musiqa akademiyasining professori, Rossiyada xizmat ko‘rsatgan artist Svetlana Ignatiyeva yuritib kelmoqda.
Shimoliy rus xalq xori uchta guruhdan iborat: xor, raqs va rus xalq cholg‘ulari orkestri orqali ijro etadi.
Shimoliy rus xalq xorining liboslari alohida e’tiborga loyiqdir. Arxangelsk, Moskva va Sankt-Peterburgdagi muzey kolleksiyalarining eng yaxshi namunalari asosida professional moda dizaynerlari tomonidan yaratilgan. Ular shimolliklarning rus milliy libosining jamoaviy qiyofasini ifodalaydi.
Shimoliy Xor o‘zining qariyb asrlik tarixi davomida Polsha, Bolgariya, Fransiya, Germaniya, Italiya, Xitoy, Hindiston, Afg‘oniston, Yaponiya, Tunis, AQSH, Serbiya va boshqa ko‘plab mamlakatlarda gastrollarda bo‘lgan va bir necha bor barcha tanlovlar laureati bo‘lgan. Rossiya va xalqaro tanlovlar hamda festivallarda ishtirok etib kelmoqda.
2023 yilda jamoa O‘zbekiston Respublikasida “Rossiya fasllari” xalqaro loyihasi doirasida chiqish qilgan, 2024 yilda esa Xarbindagi Rossiya-Xitoy  ko‘rgazmasida ishtirok etib yuqori o‘rinlarni egallagan.