Madaniyat va san’at sohasi kelajagini birgalikda quramiz!

O‘zbekiston Respublikasi Prezidentining topshirig‘iga asosan, madaniyat va san’at sohasini tubdan isloh qilish bo‘yicha soha vakillari, faol ijodkorlar, tadbirkorlar va izlanuvchan yoshlar bilan uchrashuvlar mavsumi boshlanmoqda.

Ochiq muloqot va uchrashuvlar Prezident Administratsiyasi vakillari, Madaniyat vaziri Ozodbek Nazarbekov hamda tegishli vazirlik va idoralar rahbarlari ishtirokida alohida tasdiqlangan jadval asosida 2026-yilning 20-25-aprel kunlari tashkil etiladi.

Muloqotlar quyidagi asosiy yo‘nalishlar bo‘yicha o‘tkaziladi:

• Kino;
• Akademik va an’anaviy ijrochilik, estrada va raqs;
• Adabiy ijod;
• Kompozitorlar va bastakorlar;
• Teatr va sirk;
• Xalq ijodiyoti va nomoddiy madaniy meros, askiya, qiziqchilik va stendap;
• Bloger, inflyunser, vaynerlar;
• Moddiy madaniy meros, arxeologiya va muzeylar;
• Tasviriy va amaliy san’at hamda hunarmandchilik;
• Madaniyat va san’at ta’limi;
• Bolalar kontenti.

Ochiq muloqotlar davomida:

• sohadagi mavjud muammolar ochiq muhokama qilinadi;
• amaliy taklif va tashabbuslar qabul qilinadi;
• madaniyat va san’atni rivojlantirishga qaratilgan yangi g‘oyalar

ko‘rib chiqiladi.

Eng dolzarb va amaliy ahamiyatga ega takliflar mualliflari Davlatimiz Rahbari ishtirokida o‘tkaziladigan yig‘ilishga taklif etiladi.

Barcha fuqarolarni, ijodkorlar, soha mutaxassislari, tadbirkorlar hamda tashabbuskor yoshlarni mazkur ochiq muloqotlarda faol ishtirok etishga, o‘z taklif va g‘oyalari bilan qatnashishga chorlaymiz!

Sizning har bir taklifingiz — madaniyat sohasidagi islohotlarga xizmat qiladi! Faol bo‘ling, tashabbus bildiring va o‘z hissangizni qo‘shing! Bu shunchaki uchrashuv emas, bu — real imkoniyat!

Joylar chegaralanganligi sababli, oldindan ro‘yxatdan o‘tish zarur bo‘ladi. Quyidagi bot orqali ro‘yxatdan o‘ting:  Ochiq muloqot

Bot orqali ro‘yxatdan o‘tgan fuqarolar uchun quyidagi jadval asosida uchrashuvlar amalga oshiriladi:

(Eslatma: bot orqali ro‘yxatdan o‘tmagan fuqarolar uchrashuvga kiritilmaydi, marhamat qilib bot orqali ro‘yxatdan o‘tishingizni so‘raymiz. )