O‘zbekiston Respublikasi Madaniyat vazirligi

Xorazm viloyati madaniyat boshqarmasida Madaniyat vazirligi mas’ullari ishtirokida muhim yig‘ilish bo‘lib o‘tdi.

Mazkur yig‘ilishda Madaniyat vazirligi Ichki audit bo‘limi boshlig‘i S.Nosirov, Korrupsiyaga qarshi kurashish xizmati bosh mutaxassisi D.Hasanov, Xorazm viloyati madaniyat boshqarmasi boshlig‘i G‘.Eshchanov, shuningdek, tizim tashkilotlari rahbarlari hamda mas’ul xodimlar ishtirok etdilar.

Shuningdek, tizim xodimlariga “Manfaatlar to‘qnashuvi to‘g‘risida”gi Qonunning mazmun-mohiyati, vazirlikning korrupsiyaga qarshi kurashish siyosati hamda moliyaviy va xo‘jalik faoliyatida qonunchilik talablariga rioya etish zarurati batafsil tushuntirildi.

Yig‘ilish yakunida ichki audit yo‘nalishida profilaktik tadbirlarni kuchaytirish, korrupsiyaviy holatlarning oldini olish hamda tizimda shaffoflikni ta’minlash bo‘yicha aniq vazifalar belgilab olindi.