Samarqand viloyati qo‘g‘irchoq teatri va Gruziya Professional davlat qo‘g‘irchoq teatrlari birlashmasi o‘rtasida hamkorlik memorandumi imzolandi.

Mazkur memorandum madaniyat, xususan teatr san’ati sohasida xalqaro hamkorlikni rivojlantirish, ijodiy almashinuvlarni yo‘lga qo‘yish, qo‘shma loyihalar va sahna asarlarini yaratish hamda ikki davlat qo‘g‘irchoq teatrlari o‘rtasida do‘stona aloqalarni mustahkamlashga xizmat qiladi.

Samarqand viloyati qo‘g‘irchoq teatri faoliyati davomida turli ijodiy loyihalarni amalga oshirib kelmoqda. 2026-yil esa teatr tarixida xalqaro hamkorlik yo‘nalishida muhim bosqich bo‘lib qayd etildi.

Avvalroq Gruziya davlati bilan bevosita hamkorlik amalga oshirilmagan bo‘lsa, 2026-yilda O‘zbekiston Respublikasi Madaniyat vazirligi tomonidan tasdiqlangan repertuar rejasiga asosan yangi xalqaro loyiha yo‘lga qo‘yildi. Mazkur loyiha doirasida mashhur ertaknavis Hans Christian Andersenning “Qizil boshmoqlar” ertagi asosida spektakl sahnalashtirilmoqda.

Ushbu spektaklni sahnalashtirish jarayonida Gruziya Professional davlat qo‘g‘irchoq teatrlari birlashmasi direktori Nikolos Sabashvili O‘zbekistonga, xususan Samarqand viloyati qo‘g‘irchoq teatriga tashrif buyurdi. Bu tashrif ikki davlat qo‘g‘irchoq teatrlari o‘rtasida ijodiy aloqalarni yo‘lga qo‘yish va tajriba almashinuvini rivojlantirish yo‘lida muhim qadam bo‘ldi.

Ahamiyatlisi shundaki, spektaklning inssenirovka muallifi, sahna rassomi, rejissyori va bastakori bevosita Nikolos Sabashvili hisoblanadi. Professional rejissyor rahbarligida ijodiy jarayonlar qizg‘in davom etmoqda. Spektakl tez orada Madaniyat vazirligi huzuridagi Ixtisoslashgan badiiy-ekspert guruhi hamda soha mutaxassislariga namoyish etiladi.

Shuningdek, 2026-yil 25-fevral kuni O‘zbekiston Respublikasi Prezidentining 2026-yil 6-fevraldagi PF–21-son Farmoni 1-ilova 40-bandi, 2026-yil 16-fevraldagi PF–22-son Farmoni 6-ilova 94-bandi hamda Vazirlar Mahkamasining 2019-yil 18-apreldagi 329-son qarori ijrosini ta’minlash maqsadida Samarqand viloyati qo‘g‘irchoq teatri va Gruziya Professional davlat qo‘g‘irchoq teatri o‘rtasida hamkorlik memorandumi imzolandi.

Mazkur memorandum madaniyat, xususan teatr san’ati sohasida xalqaro hamkorlikni rivojlantirish, ijodiy almashinuvlarni yo‘lga qo‘yish, qo‘shma loyihalar va sahna asarlarini yaratish hamda ikki davlat qo‘g‘irchoq teatrlari o‘rtasidagi do‘stona aloqalarni yanada mustahkamlashga xizmat qiladi.       

Ushbu hamkorlik Samarqand viloyati qo‘g‘irchoq teatrining xalqaro maydondagi nufuzini oshirish, ijodiy tajribani boyitish va tomoshabinlarga yangi, zamonaviy sahna asarlarini taqdim etish yo‘lida muhim qadam bo‘ladi.

Ma’lumot o‘rnida 2025-yilda teatrning xalqaro hamkorlik ishlari yuzasidan amalga oshirilgan ishlari haqida quyida ma’lumot bersak:

2025-yil 21-25-may kunlari Samarqand viloyati qo‘g‘irchoq teatri rejissyor Farhod Mirzayev tomonidan sahnalashtirilgan “Ali Qushchi” spektakli bilan Qozog‘istonning Olmata shahridagi “Orteka” VII xalqaro qo‘g‘irchoq teatrlari festivalida ishtirok etdi. Festivalning tantanali ochilish marosimida, madaniy chiqishlar hamda mahorat darslari, yetakchi aktyor va rejissyorlar ishtirokida davra suhbati ham o‘tkazildi. Shuningdek festivalda Qozog‘iston, Gruziya, Turkiya, O‘zbekiston va Ozarbayjon qo‘g‘irchoq teatrlarining eng yaxshi spektakllari mehmonlarga, bolalar va kattalar uchun taqdim etiladi.Festival dasturiga ko‘ra, ishtirokchilar orasida birinchi bo‘lib Samarqand viloyati qo‘g‘irchoq teatrida sahnalashtirilgan “Ali Qushchi” spektakli namoyish etildi.

2025-yil 11-sentyabrdan 18-sentyabrga qadar Samarqand viloyati qo‘g‘irchoq teatri Rossiyaning Ryazan shahrida o‘tkazilgan “Ryazanskiye smotrini” XX xalqaro qo‘g‘irchoq teatrlari festivalida munosib ishtirok etdi.  Festival doirasida Rossiya, O‘zbekiston, Belarus, Kongo, Eron, Qozog‘iston, Braziliya, Qirg‘iziston, Xitoy, Hindiston va boshqa davlatlarning teatr jamoalari o‘z spektakllarini namoyish etishdi. Festival yakunida teatr jamoalari “Eng yaxshi spektakl”, “Eng yaxshi aktyorlik ishi”, “Eng yaxshi rejissyor ishi”, “Eng yaxshi rassom ishi” kabi nominatsiyalar bilan taqdirlandi. Samarqand viloyati qo‘g‘irchoq teatri esa “Eng yaxshi aktyorlik ishi” nominatsiyasi bo‘yicha taqdirlandi.

Shuningdek, Samarqand viloyati qo‘g‘irchoq teatri Rossiyaning Ryazan shahrida o‘tkazilgan “Ryazanskiye smotrini” XX xalqaro qo‘g‘irchoq teatrlari festivali doirasida xalqaro madaniy aloqalarni mustahkamlash va rivojlantirish maqsadida hamkorlik shartnomasini imzoladi. Ushbu kelishuv ikki tomonlama tajriba almashinuvi, qo‘shma ijodiy loyihalar va yangi spektakllar sahnalashtirishni yo‘lga qo‘yishda muhim qadam bo‘lib xizmat qiladi.

Shuningdek, Samarqand viloyati qo‘g‘irchoq teatri Rossiyaning Ryazan shahrida o‘tkazilgan “Ryazanskiye smotrini” XX xalqaro qo‘g‘irchoq teatrlari festivali doirasida xalqaro madaniy aloqalarni mustahkamlash va rivojlantirish maqsadida hamkorlik shartnomasini imzoladi. Ushbu kelishuv ikki tomonlama tajriba almashinuvi, qo‘shma ijodiy loyihalar va yangi spektakllar sahnalashtirishni yo‘lga qo‘yishda muhim qadam bo‘lib xizmat qiladi.

Festivalning yopilish marosimida teatr direktori Feruzbek Abdurayimov tomonidan Belarus Respublikasi “Grodno viloyat qo‘g‘irchoq teatri” davlat madaniyat muassasasi direktori Oleg Olegovich Jyugjda, Xitoyning Rugao shahridagi “The Rugao Puppet Art Troupe” teatri direktori Chjоу Shenbin hamda “Ryazan qo‘g‘irchoq teatri” davlat avtonom madaniyat muassasasi direktori Konstantin Gennadyevich Kirillov bilan hamkorlik memorandumlarini imzoladi.

Memorandumning asosiy maqsadi madaniyat, jumladan, teatr sohasida xalqaro hamkorlikni rivojlantirish bo‘yicha o‘zaro memorandum imzolandi. Memorandumning asosiy maqsadi tomonlar o‘rtasida turli madaniy aloqalarni yaratish va mustahkamlash, jumladan, teatr san’atida hamkorlik qilish, qo‘shma spektakllar yaratish, ikki teatr o‘rtasida gastrol safarlarini tashkil etish, dramaturglar, rejissyorlar, rassomlar, aktyorlar mahoratini oshirish bo‘yicha qo‘shma loyihalarni amalga oshirish va ular uchun zarur shart sharoitlarni yaratishdan iborat.