“Yulduzlar shu’lasi: Jomiy va Navoiy” filmining so‘nggi sahnalari tasvirga olinmoqda
2026-01-22 13:50:00 / Yangiliklar
Avval xabar berilganidek, O‘zbekiston Respublikasi Prezidentining 2024-yil 5-iyundagi PQ–209-son qarori asosida tasdiqlangan “Tirik tarix” film loyihalari doirasida “O‘zbekfilm” kinokonserni va “Tojikfilm” kinostudiyasi hamkorligida “Yulduzlar shu’lasi: Jomiy va Navoiy” filmi tasvirga olinmoqda. Ushbu dasturga jami 54 ta tarixiy film kiritilgan.
Film Kinematografiya agentligi buyurtmasiga binoan “O‘zbekfilm” kinokonserni va “Tojikfilm” kinostudiyasi hamkorligida ishlab chiqilmoqda.
Suratga olish ishlari 2025-yil davomida Tojikiston Respublikasining Dushanbe va Xo‘jand shaharlarida hamda O'zbekistonning Buxoro viloyatida tasvirga olindi. Filmning so‘nggi sahnalari joriy yilning 25-yanvar kuni “O‘zbekfilm” pavilyonida tasvirga olinishi rejalashtirilmoqda.
Film ijodiy jamoasi O‘zbekiston va Tojikiston kinoijodkorlaridan shakllantirilgan bo'lib, postanovkachi rejissyorlar Dilmurod Masaidov (O‘zbekiston) va Fayzullo Fayzov (Tojikiston) hamkorlikda ishlashmoqda.