O‘zbekiston Respublikasi Madaniyat vazirligi

Madaniyat vazirligi tizimida sun’iy intellekt texnologiyalarini o‘rganish, ularni amaliyotga joriy etish, shuningdek, sohada mavjud imkoniyatlar va xavf-xatarlarni tahlil qilishga qaratilgan turli tadbirlar izchil ravishda o‘tkazib kelinmoqda.

Madaniyat vazirligida sun’iy intellekt texnologiyalarini o‘rganish yuzasidan seminar o‘tkazildi. Unda, madaniyat vaziri o'rinbosari Murodjon Majidov hamda vazirlikning markaziy apparati vakillari ishtirok etdi.

Seminarda sun’iy intellekt sohasida bir necha yillardan buyon samarali faoliyat olib borayotgan, turli loyihalarda ishtirok etgan mutaxassis — “ABS Vision AI” MCHJda Texnik direktor lavozimida ishlab kelayotgan Zarif Naxalov ishtirok etib, sun’iy intellekt yuzasidan ma’lumot va birlamchi bilimlarni taqdim etdi.

Ushbu seminar orqali xodimlar sun’iy intellekt texnologiyalarining bugungi holati, ularning madaniyat va ijodiy sohadagi amaliy qo‘llanilishi, shuningdek, kelgusidagi rivojlanish istiqbollari haqida foydali va amaliy ma’lumotlarga ega bo‘ldi.

Ma’lumot o‘rnida, O‘zbekiston Respublikasi Prezidentining “Davlat boshqaruvi, iqtisodiyot tarmoqlari va hududlarda sun’iy intellekt texnologiyalarini jadal joriy etish masalalari yuzasidan 2025-yil 21-oktyabr kuni o‘tkazilgan yig‘ilishda berilgan topshiriqlar” to‘g‘risida 2025-yil 15-noyabrdagi 55-sonli topshiriqlar bayoniga asosan har haftaning chorshanba kuni vazirlikda “Sun’iy intellekt kuni” etib belgilandi. Shu asosda, har haftaning chorshanba kunida vazirlikda sun’iy intellekt bo‘yicha seminarlar olib borilishi rejalashtirilgan.