Angrenda aholi va qishloq xo‘jaligini ro‘yxatga olish bo‘yicha o‘quv seminari o‘tkazildi
2026-01-08 09:05:00 / Yangiliklar
O‘zbekiston Respublikasi Prezidentining 2025-yil 19-sentyabrdagi “O‘zbekiston Respublikasida aholi va qishloq xo‘jaligini ro‘yxatga olish tadbirini o‘tkazish to‘g‘risida”gi PF-173-son Farmoni ijrosini ta’minlash maqsadida, joylarda tadbirga tayyorgarlik yuqori saviyada davom ettirilmoqda.
Toshkent viloyati Angren shahrida tadbirga tayyorgarlik yuzasidan madaniyat vazirining birinchi o‘rinbosari Bahodir Ahmedov ishtirokida seminar tashkil etildi.
Seminarda shahar hokimining tegishli o‘rinbosarlari va “mahalla yettiligi” vakillari qatnashdi hamda aholi va qishloq xo‘jaligini ro‘yxatga olish jarayonida yuzaga kelishi mumkin bo‘lgan muammolarni oldini olish, bartaraf etish yuzasidan keng qamrovli tushuntirish ishlari olib borildi.