O‘zbekiston Respublikasi Madaniyat vazirligi

Ozarbayjonda “O‘zbekiston madaniyat kunlari” tadbirlari doirasida  Boku shahridagi Haydar Aliyev saroyida Alisher Navoiyning "Xamsa" dostoni asosida tayyorlangan musiqiy spektakl namoyish etildi. 

Tadbirda O‘zbekiston madaniyat vazirining birinchi o‘rinbosari Bahodir Ahmedov hamda Ozarbayjon madaniyat vaziri o‘rinbosari Farid Jafarov, shuningdek, taniqli madaniyat va san'at sohasi vakillari ishtirok etishdi.

Musiqiy spektaklni “Maqom” ansambli xonandalari hamda “Navro’z” raqs ansambli raqqosalari ijro etishdi. 

So'ng, maqom yo'nalishida o'zbekistonlik taniqli san'atkorlar ishtirokida milliy kuy qo'shiqlarimiz namoyish etildi.

Musiqiy spektakl tomoshabinlar tomonidan yaxshi kutib olinib, davomli olqishlar bilan olqishlandi.