O‘zbekiston Respublikasi Madaniyat vazirligi

Madaniyat vaziri o‘rinbosari Yusufjon Usmonov xizmat safari bilan Toshkent viloyatida bo‘ldi. Xizmat safari davomida Toshkent viloyatida barpo etilayotgan muassasalar faoliyati o‘rganildi. 

Dastlabki manzili O‘rtachirchiq tumanida Vazirlar Mahkamasining 720-son qaroriga ko‘ra, davlat-xususiy sherikchilik asosida tashkil etilayotgan madaniyat markazi ko‘zdan kechirilib, loyihani amalga oshirish bilan bog‘liq muammolarni bartaraf etish yuzasidan bir qator chora-tadbirlar belgilandi. 

So‘ng, Nurafshon shahrida barpo etilayotgan ko‘p tarmoqli san’at saroyida bajarilayotgan ishlar ko‘zdan kechirilib, qurilish-ta’mirlash ishlari bilan tanishildi. 

Kunning ikkinchi yarmida Yusufjon Usmonov Yangiyo‘l tumani “Ko‘kalamzor” MFY, Shodlik ko‘chasida joylashgan davlat-xususiy sherikchilik asosida  tashkil etiladigan 60-son “Gulbahor” madaniyat markazi faoliyati bilan tanishdi hamda tadbirkor bilan uchrashuv bo‘lib o‘tdi.

Shuningdek, Yusufjon Usmonov Yangiyo‘l tumanidagi bolalar musiqa va san’at maktabida yaratilgan sharoitlar hamda to‘garaklar faoliyati bilan yaqindan tanishib, moddiy texnika bazasini yaxshilash yuzasidan tegishli mas’ullarga tavsiya berdi.