O‘zbekiston Respublikasi Madaniyat vazirligi

Ayni kunlarda yurtimizda “Xitoy madaniyati kunlari” tadbirlari bo‘lib o‘tmoqda. Tadbirlar O‘zbekistonning ikki hududida — poytaxt Toshkent va qadimiy Samarqandda, 30-noyabrdan 4-dekabr kuniga qadar “Xitoy madaniyati kunlari” tadbirlari bo‘lib o‘tadi.

Kecha, 30-noyabr kuni poytaxtdagi “Turkiston” san’at saroyida O‘zbekistonda “Xitoy madaniyati kunlari” tadbirining rasmiy ochilish marosimi bo‘lib o‘tdi.

Unda, Xitoyning O‘zbekistondagi favqulodda va muxtor elchisi Yuy Szyun hamda O‘zbekiston Respublikasi madaniyat vazirining xalqaro masalalar bo‘yicha maslahatchisi Shohrux Akbarov ishtirok etishdi.

Tadbirning ochilishi avvalida so‘zga chiqqanlar so‘nggi yillarda ikki davlat o‘rtasida amalga oshirilayotgan har tomonlama munosabatlar, xususan, madaniyat sohasidagi hamkorliklarning yangi bosqichga ko‘tarilganligi alohida ta’kidlandi.

Xitoylik san’atkorlar tomonidan konsert dasturi namoyish etildi, unda quyidagilar namoyish etildi:

✔️ "Bayram uvertyurasi" - xalq cholg‘ulari ansambli ijrosida; (Bayramona ruhda yaratilgan bu asarda xalq tantanasi manzarasi tasvirlanadi.)

✔️ “Toshqo‘rg‘on uzra oftob charaqlar" - skripka va xalq cholg‘ulari ansambli ijrosida; (Skripka yakkaxon ijrosida yangraydigan bu mumtoz asar mahalliy xalq qo‘shiq aytib, raqsga tushayotgan, quvonch va shodiyona hukm surayotgan manzarani ko‘z oldimizda gavdalantiradi.)

✔️ "Azim tog‘lar, jo‘shqin daryolar" - chang (chjeng) sadosi va yelpig‘ich raqs; (Xitoyning o‘nta eng mashhur qadimiy kuylaridan biri bo‘Igan bu kompozitsiya tog‘larning ulug‘vorligi va soylar go‘zalligini tasvirlaydi. Har bir ohang mayin irmoqlarning sokin oqimini musiqada jonlantiradi.)

✔️ "Vashma stol - Oy kechasi" - erkak vokal (tenor) yakkaxon ijrosida; (Bu asar Song davrining mashhur shoirlaridan biri - Sin she’ri asosida yaratilgan, keyinchalik qo‘shiq keltirilgan, unda muallifning go‘zal hayotga intilishi aks etadi oshiq shaklida)

✔️ "Suruv kuyi" - bambuk nay va xalq cholg‘ulari ansambli ijrosida; (Kuyda Shenbeidagi podachi cho‘ponlar keng tog‘-toshlarni kezganda qalbidan kechgan his-tuyg‘ulari va o‘y-xayollari aks etadi.)

✔️ "Go‘zal oqshom" - xalq cholg‘ulari ansambli ijrosida; (Asar do‘stlar davrasida Yangi yil oqshomini o‘tkazayotgan iliq, samimiy kayfiyatni, yorqin kelajak va yuksak orzular sari intilish tuyg‘usini go‘zal ohanglar orqali ifodalaydi.)

✔️ "Bir qadah may" - ayol vokal (soprano) yakkaxon ijrosida; (O‘zining raqsga chorlovchi kuchli maromi, jo‘shqin va samimiy ohanglari bilan mazkur qo‘shiq tinglovchini hayajonga soladi.)

✔️ "Sarhad bo‘ylab" - xalq cholg‘ulari ansambli ijrosida; (Milliy ruh bilan sug‘orilgan musiqiy asar tog‘ va dashtlarning manzaralari, hayotning jo‘shqinligi, chegara yerlarning yangilangan, tinch, sokin qiyofasini, chegarachilarning sadoqati va fidoyiligini ochib beradi.)

✔️ "Tungi sukunat" - Pekin g‘ijjagi (jinghu), jingerhu, zarbli asboblar va uzun yengli raqs; (Bu asar dastlab mashhur Pekin operasi kuylaridan biri bo‘lgan. Keyinchalik jinghu (pekin g‘ijjagi) hamda orkestr uchun moslashtirilgan. Unda ulug‘vorlik va jo‘mardlik madh etiladi.)

✔️ "Qo‘ng‘iroqlar jaranglaydi, qushlar sayraydi" - erkak va ayol dueti; (Bu qo‘shiq mashhur "Ashima" badiiy filmidagi duet parchasidir. Musiqa Sani xalq qo‘shig‘i ohanglariga asoslangan bo‘lib, unda erkak va ayol ovozlari uyg‘unlashadi.)

✔️ "Uzumlar pishdi" - erhu va Shinjon raqsi ijrosida; (Bu asar uyg‘ur xalq kuylariga asoslanib yaratilgan mashhur erhu yakkaxon kuyi bo‘lib, uzum pishig‘i mavsumidagi shodiyona manzaralarini gavdalantiriladi.)

✔️ "Qushlarning qaqnusga ta’zimi" - surnay (suona) va xalq cholg‘ulari ansambl ijrosida; (Bu asar surnay (suona) ijrochiligining mumtoz namunalaridan biri bo‘lib, qushlarning sayrashi, tabiatning turfa manzaralarini hayotiy va jonli tarzda tasvirlaydi.)

Xitoylik san’atkorlar tomonidan ijro etilgan konsert dasturi tomoshabinlarga ko‘tarinki ruh hamda shodiyona manzarasini gavdalantirdi.

O‘zbekistonda boshlangan “Xitoy madaniyati kunlari” davom etmoqda, navbatdagi manzil qadimiy Samarqand.