O‘zbekiston Respublikasi Madaniyat vazirligi

Xiva shahar                                                                             2024-yil, 25-30-aprel

“Xorazm lazgi raqsi” san’atining asriy an’analarini saqlash va rivojlantirish, raqs san’ati orqali xalqlar o‘rtasidagi do‘stlik, birodarlik rishtalarini mustahkamlash, xalqaro miqyosda ijodiy hamkorlik ko‘lamini va madaniy aloqalarni yanada kengaytirish maqsadida, 25 — 30-aprel kunlari Xorazm viloyatining Xiva shahrida
II “Lazgi” xalqaro raqs festivali bo‘lib o‘tdi.

Festival 2022-yildan boshlab har ikki yilda bir marta 25 — 30-aprel kunlari Xorazm viloyatining Xiva shahrida o‘tkazilishi O‘zbekiston Prezidentining tegishli qarori bilan (2020-yil 28-sentyabrdagi PQ-4843-son qaror) belgilangan.

2024-yilda ikkinchi marotaba o‘tkazilgan II “Lazgi” xalqaro raqs festivaliga
22 ta (Braziliya, Buyuk Britaniya, Belarus, Bolgariya, Fransiya, Gruziya, Hindiston, Ispaniya, Koreya Respublikasi, Misr, Ozarbayjon, Qatar, Qirg‘iziston, Qozog‘iston, Rossiya, Serbiya, Tojikiston, Turkiya, Turkmaniston, Yaponiya, Ukraina, O‘zbekiston) davlatning raqs jamoalari va yakkaxon ijrochilari festivalda ishtirok etishdi.

Qayd etish kerakki, YUNESKO shafeligida o‘tkazilayotgan II “Lazgi”  xalqaro raqs festivalida 25-aprel kuniga qadar 21 ta xorijiy davlatdan (Braziliya, Buyuk Britaniya, Belarus, Bolgariya, Fransiya, Gruziya, Hindiston, Ispaniya, Koreya Respublikasi, Misr, Ozarbayjon, Qatar, Qirg‘iziston, Qozog‘iston, Rossiya, Serbiya, Tojikiston, Turkiya, Turkmaniston, Yaponiya, Ukraina) 190 nafar xorijiy mehmonlar (Shundan 153 nafari tanlov ishtirokchisi, 32 nafari konferensiya ishtirokchilari, 5 nafari hakamlar hay’ati a’zolari) Xorazm viloyatiga yetib kelgan.

O‘zbekiston nomidan ishtirok etish uchun 13-aprel kuni O‘zbekiston bo‘ylab o‘tkazilgan “Lazgi” xalqaro raqs festivali ko‘rik-tanlovi o‘tkazilib, unda respublika bosqichi g‘oliblari (3 ta (50 nafar atrofida) ashula va raqs ansambli va 3 nafar yakkaxon ijrochilar) Xalqaro festivalda O‘zbekiston nomidan ishtirok etishdi.

(Qo‘shimcha ma’lumot uchun, O‘zbekiston nomidan ishtirok etish uchun Madaniyat vazirligi “Lazgi” xalqaro raqs festivali respublika tanlovini e’lon qilgan edi. Ko‘rik - tanlov yakunlariga ko‘ra g‘oliblari quyidagicha saralab olinib, yo‘llanma berilgan.

Yakkaxon ijrochilar yo‘nalishi:

1-o‘rin Davletova Oksana (Xorazm viloyati)

2-o‘rin Narzullayeva Fotima (Toshkent shahri)

3-o‘rin Haydarov Islom (Toshkent shahri)

Jamoaviy ijrochilar yo‘nalishi:

1-o‘rin O‘zbekiston davlat filarmoniyasi “Lazgi” ashula va raqs ansambli;

2-o‘rin O‘zbekiston davlat filarmoniyasi Xorazm viloyati raqs ansambli;

3-o‘rin “Buxoro mavjlari” ansambli.)

Festivalda tanlov ishtirokchilari chiqishlarini baholab borish bo‘yicha xalqaro hakamlar hay’ati tarkibi shakllantirilgan bo‘lib, unda 5 ta (Fransiya, Misr, Braziliya, Koreya, Qozog‘iston) xorijiy davlatdan hamda O‘zbekiston (2 nafar) dan hakamlik qilishdi.

Shuningdek, Xalqaro turkiy madaniyat tashkiloti – TURKSOY, Tojikiston Respublikasi, Qozog‘iston Respublikasi, Yaponiya, Braziliya, Fransiya, Misr Arab Respublikasi vakillari festivalda Faxriy mehmon sifatida ishtirok etdi.

27-aprel kuni (soat 10:00 – 13:00) xorijiy va mahalliy raqs san’ati ustalari, musiqashunos va san’atshunos olimlar, taniqli san’atkorlar va faxriy mehmonlar ishtirokida “Xorazm “Lazgi” raqsi: Madaniy diplomatiyani rivojlantirishning ilmiy – nazariy, ma’naviy – ma’rifiy tamoyillari” mavzusida xalqaro ilmiy-amaliy konferensiyasi hamda shu kuni (soat 19:00 – 21:00) “Ichan qal’a” majmuasida festivalning tantanali ochilish marosimi bo‘lib o‘tdi.

Konferensiyada Buyuk Britaniya, Fransiya, Tojikiston, Turkmaniston, Qozog‘iston, Belarus, Rossiya, Turkiya, Qirg‘iziston, Serbiya,  Braziliya, Koreya, Yaponiya, Ispaniya, Misr, Gruziya, Hindiston, Ukraina, Bolgariya, Qatar, Ozarbayjon va O‘zbekiston davlatlari oflayn hamda AQSH, Avstriya, Iordaniya, Meksika, Gana, Rossiya, Makedoniya, Eron, Xitoy, Pokiston va Italiya davlatlaridan onlayn tartibda ishtirokchilar ishtirok etdi.

26-29 aprel kunlari festival doirasida raqs tanlovi o‘tkazilib, unda xorijiy va mahalliy ishtirokchilar ijodiy bellashdi.

II “Lazgi” xalqaro raqs festivali doirasida xorijlik mutaxassislar ishtirokida davra suhbatlari, ijodiy uchrashuv va mahorat darslari, konsert tomoshalari va “Xorazm lazgi raqsi” san’atiga oid ko‘rgazmalar tashkil etildi.

 29-aprel kuni (soat 19:00 – 21:00) festivalning tantanali yopilish va g‘oliblarini taqdirlash marosimi tashkil etildi.

 «Gran-Pri»  mukofoti - 7 000 AQSH dollarini tashkil etdi. 1-2-3- o‘rinlarni qo‘lga kiritganlar uchun mos ravishda har bir yo‘nalishda 3 ta nominatsiya (“Eng yaxshi yakkaxon raqs ijrochisi”, “Eng yaxshi raqs jamoasi”, “Eng yaxshi sahnalashtirilgan raqs”) bo‘yicha 5 000, 3000, 2000 AQSH dollaridan mukofotlandi.

Ma’lumot uchun:

2022-yili Xorazm viloyatining Xiva shahrida bo‘lib o‘tgan “Lazgi” xalqaro raqs festivali dunyoning 30 davlatidan 175 dan ziyod iste’dodli raqqosalar, professional raqs jamoalar, raqs san’ati ustalari, musiqashunos va san’atshunos olimlar, taniqli san’atkorlar, yetuk mutaxassislar, faxriy mehmonlar va ommaviy axborot vositalari xodimlari ishtirok etgan.