O‘zbekiston Respublikasi Madaniyat vazirligi

Dunyo miqyosida turli san’at turlari mavjud: rassomchilik, haykaltaroshlik, kino, raqs, musiqa, teatr va boshqalar. San’atning asosiy maqsadi — insonlarga ezgulik ulashish va shu orqali shaxsning o‘zligini anglashiga xizmat qilishdir.
Suhbatdoshimiz  15 yosh bo‘lishiga qaramasdan, san’atning nozik yo‘nalishlaridan biri bo‘lgan rassomlikni tanlab, bir qator muvaffaqiyatlarni qo‘lga kirita olgan iste’dodli yosh  Zeboxon Ahmadjonova.
— Zeboxon, tanlagan yo‘lingiz va qiziqqan san’at turi haqida nimalar deya olasiz?
— Assalomu alaykum. Avvalo, san’at — juda keng qamrovli tushuncha. Uning qaysi turi bo‘lmasin, insonlarga ezgulik, ma’naviyat va ruhiy poklik bag‘ishlaydi. Kishi ma’naviy dunyosi boyigan sari, ruhiyati ham tobora poklanib, siyrati tiniqlashib boradi.
— San’atga qiziqish qanday paydo bo‘lgan? Oilangizda san’atkorlar bormi?
— Yo‘q, ota-bobolarimiz orasida san’atkorlar bo‘lmagan, lekin san’atga mehr qo‘ygan insonlar ko‘p. Bolaligimdan kamalak ranglariga qiziqishim baland edi. Ko‘p xayol surar, tasavvurimda go‘yo tabiat bilan suhbatlashgandek bo‘lardim. Shu ranglar meni asta-sekin ijod sari yetakladi.
— Ko‘proq qaysi yo‘nalishlarda ijod qilasiz?
— Ko‘pincha rangtasvir, qalamtasvir, grafika va libos dizayni bilan shug‘ullanaman. Chunki bu yo‘nalishlarda yorqin va issiq ranglar keng qo‘llanadi. Menga bu ranglarda hayotning jozibasi mujassamdek tuyuladi.
— Sizningcha, Vatan nima?
— Vatan — ona tuproq, kindik qoni to‘kilgan muqaddas makon. U — yurakdan kuylangan qo‘shiq, jon berib chizilgan, qalb nuri baxsh etilgan asar.
— O‘zbekistondagi rassomchilik san’ati haqida qanday fikrdasiz?
— Mustaqil O‘zbekistonimizda san’atning barcha yo‘nalishlari singari rassomchilikka ham alohida e’tibor qaratilmoqda. Bugun O‘zbekiston rassomlik san’ati jahon hamjamiyatida ham munosib o‘ringa ega. Yaqinda mamlakatimiz Yaponiyaning Osaka shahrida o‘tkazilgan Butunjahon ko‘rgazmasida oltin medalni qo‘lga kiritgani buning yaqqol isbotidir. Bunday misollarni yana ko‘plab keltirish mumkin.
— Kelajakdagi maqsadlaringiz nimalardan iborat?
— Eng katta maqsadim — haqiqiy ijodkor bo‘lish. Hassos shoira Zulfixonimning chin ma’nodagi izdoshiga aylanishni orzu qilaman. Shoira o‘z she’rlarida qalb tug‘yonlarini ifodalagan bo‘lsalar, men bu his-tuyg‘ularni ranglar jilosi orqali ifodalamoqchiman. Zulfiya ijodidan ilhom olib, haqiqiy Zulfiyayevalar qatoridan munosib o‘rin egallashni istayman.
Zeboxon Ahmadjonovaga ijodiy parvozi yanada yuksak bo‘lishini tilab qolamiz.
Suhbat muallifi: Xayrulla Shoxo‘jayev,
Namangan ixtisoslashtirilgan san’at maktabi
chet tili va adabiyoti fani o‘quvchisi
Dunyo miqyosida turli san’at turlari mavjud: rassomchilik, haykaltaroshlik, kino, raqs, musiqa, teatr va boshqalar. San’atning asosiy maqsadi — insonlarga ezgulik ulashish va shu orqali shaxsning o‘zligini anglashiga xizmat qilishdir.
Suhbatdoshimiz  15 yosh bo‘lishiga qaramasdan, san’atning nozik yo‘nalishlaridan biri bo‘lgan rassomlikni tanlab, bir qator muvaffaqiyatlarni qo‘lga kirita olgan iste’dodli yosh  Zeboxon Ahmadjonova.
— Zeboxon, tanlagan yo‘lingiz va qiziqqan san’at turi haqida nimalar deya olasiz?
— Assalomu alaykum. Avvalo, san’at — juda keng qamrovli tushuncha. Uning qaysi turi bo‘lmasin, insonlarga ezgulik, ma’naviyat va ruhiy poklik bag‘ishlaydi. Kishi ma’naviy dunyosi boyigan sari, ruhiyati ham tobora poklanib, siyrati tiniqlashib boradi.
— San’atga qiziqish qanday paydo bo‘lgan? Oilangizda san’atkorlar bormi?
— Yo‘q, ota-bobolarimiz orasida san’atkorlar bo‘lmagan, lekin san’atga mehr qo‘ygan insonlar ko‘p. Bolaligimdan kamalak ranglariga qiziqishim baland edi. Ko‘p xayol surar, tasavvurimda go‘yo tabiat bilan suhbatlashgandek bo‘lardim. Shu ranglar meni asta-sekin ijod sari yetakladi.
— Ko‘proq qaysi yo‘nalishlarda ijod qilasiz?
— Ko‘pincha rangtasvir, qalamtasvir, grafika va libos dizayni bilan shug‘ullanaman. Chunki bu yo‘nalishlarda yorqin va issiq ranglar keng qo‘llanadi. Menga bu ranglarda hayotning jozibasi mujassamdek tuyuladi.
— Sizningcha, Vatan nima?
— Vatan — ona tuproq, kindik qoni to‘kilgan muqaddas makon. U — yurakdan kuylangan qo‘shiq, jon berib chizilgan, qalb nuri baxsh etilgan asar.
— O‘zbekistondagi rassomchilik san’ati haqida qanday fikrdasiz?
— Mustaqil O‘zbekistonimizda san’atning barcha yo‘nalishlari singari rassomchilikka ham alohida e’tibor qaratilmoqda. Bugun O‘zbekiston rassomlik san’ati jahon hamjamiyatida ham munosib o‘ringa ega. Yaqinda mamlakatimiz Yaponiyaning Osaka shahrida o‘tkazilgan Butunjahon ko‘rgazmasida oltin medalni qo‘lga kiritgani buning yaqqol isbotidir. Bunday misollarni yana ko‘plab keltirish mumkin.
— Kelajakdagi maqsadlaringiz nimalardan iborat?
— Eng katta maqsadim — haqiqiy ijodkor bo‘lish. Hassos shoira Zulfixonimning chin ma’nodagi izdoshiga aylanishni orzu qilaman. Shoira o‘z she’rlarida qalb tug‘yonlarini ifodalagan bo‘lsalar, men bu his-tuyg‘ularni ranglar jilosi orqali ifodalamoqchiman. Zulfiya ijodidan ilhom olib, haqiqiy Zulfiyasevarlar qatoridan munosib o‘rin egallashni istayman.
Zeboxon Ahmadjonovaga ijodiy parvozi yanada yuksak bo‘lishini tilab qolamiz.
Suhbat muallifi: Xayrulla Shoxo‘jayev,
Namangan ixtisoslashtirilgan san’at maktabi
ona tili va adabiyoti fani o‘quvchisi