“Prezident Olimpiadasi” sport musobaqalarining tantanali ochilish marosimi yuzasidan yig‘ilish bo‘lib o‘tdi
2025-11-18 18:30:00 / Yangiliklar
Kuni kecha madaniyat vazirning birinchi o‘rinbosari Bahodir Ahmedov boshchiligida O‘zbekiston Respublikasi Vazirlar Mahkamasining tegishli bayoni ijrosi yuzasidan joriy yilning 25-noyabr kuni Olimpiya shaharchasida bo‘lib o‘tishi belgilangan “Prezident Olimpiadasi” sport musobaqalarining tantanali ochilish marosimiga puxta tayyorgarlik ko‘rish va uni yuqori saviyada o‘tkazish maqsadida yig‘ilish bo‘lib o‘tdi.
Mazkur yig‘ilishda vazirlikning tegishli boshqarma va bo‘lim rahbarlari, Sport vazirligining mas’ullari, “O‘zbekkonsert” davlat muassasasi, “O‘zbekiston davlat filarmoniyasi” davlat muassasasi vakillari hamda rassomlar ishtirok etishdi.
Tadbirlarni ko‘tarinki kayfiyatda nishonlash maqsadida konsert dasturlarini shakllantirish yuzasidan barcha mas’ullarga zaruriy ko‘rsatma va topshiriqlar berildi.