O‘zbekiston Respublikasi Madaniyat vazirligi

Forumning yakuniga bag‘ishlangan gala-konsert va taqdirlash marosimi bo‘lib o‘tdi.
 

Forumning beshinchi kuni forum yakuniga bag‘ishlangan gala-konsert va taqdirlash marosimi bo‘lib o‘tdi. Gala-konsert dasturida hududlardan tashrif buyurgan ijodkor yoshlar hamda taniqli san’atkorlar ishtirok etdi. Taqdirlash marosimida forum doirasida o‘tkazilgan tanlov g‘oliblari taqdirlandi. Taqdirlash marosimida madaniyat vazirining birinchi o’rinbosari Bahodir Ahmedov ishtirok etib, g’oliblarni taqdirladi.

 

Forum davomida 12 nafar ijodkor yoshlar bir qator tele va radio efirlariga o‘z ijodini namoyish etdi.

 

Forum natijasida yoshlarda sohaga bo‘lgan fidoyiligi mustahkamlandi va liderlik qobiliyatlari rivojlandi, ijodkor yoshlarning ijodiy hamkorligi o‘rnatildi, yoshlar zamonaviy bilim va ko‘nikmalarga ega bo‘lishdi.

 

Yoshlar ijodi keng ommaga targ‘ib qilinib, yoshlar birgalikda yangi ijod mahsulotlari va ijodiy loyihalar tayyorlashdi.

 

Forum davomida ijodkor yoshlar jamiyat va madaniyatning rivoji yo‘lidagi o‘zlarining mas’uliyatlari haqida fikrlar, ijodkorlar birlashish davri kelgani haqida anglashlar, yangi taklif va g‘oyalar bildirishdi.

 

Forum jarayonlarida yangidan kashf etilgan 20 ga yaqin ijodkor yoshlar davlat tadbirlariga jalb qilish va xalqaro tanlovlarda ishtirokiga ko‘maklashish, xorijda amaliyot o‘tashini tashkil etish uchun saralandi, 15 nafar ijodkorlar zaxira kadrlar ro‘yxatiga kiritilishi hamda Madaniyat vazirligi markaziy apparati va respublika tashkilotlarida amaliyot o‘tashi uchun tavsiya etildi, 4 nafar ijodkor Madaniyat vazirligi huzuridagi Jamoatchilik kengashiga kiritilishi rejalashtirildi.

 

Shuningdek forum doirasida yoshlar kreativ loyihalar ustida ishlab, ular tomonidan ishlab chiqilgan 8 ta loyihani keyingi 10 kun ichida vazirlik rahbariyatiga alohida taqdimot qilishga kelishildi.

 

Yuqoridagilarni inobatga olib, forum o‘z oldiga qo‘ygan maqsadga erishdi, eng muhimi ijodkor yoshlar birlashib va hamkorlikda faoliyat yuritgandagina katta kuch bo‘lib, jamiyatimizga kirib kelgan yot g‘oyalarni yengish mumkinligini anglashdi.
 

“Oltin kuz” iqtidorli ijodkor yoshlar forumi doirasida o‘tkazilgan “Yosh maqom ijrochilari” respublika tanlovi g‘oliblari taqdirlandi. Unga ko‘ra:

 

1-o‘rin g‘olibi Naimova Gulsevar O‘tkir qizi (Buxoro viloyati);

 

2-o‘rin g‘olibi Shavkatova Mashxura Aybek qizi (Xorazm);

 

3-o‘rin g‘olibi Qosimbekov Muhammadayubbek Axmadbek o‘g‘li (Farg‘ona viloyati).

 

“Yosh estrada xonandalari” respublika tanlovining g‘oliblari:

 

1-o‘rin g‘olibi Abdullayeva Shaxiraxon Nurullayevna (Farg‘ona viloyati);

 

2-o‘rin g‘olibi Sharaimova Madina Alisherovna (Toshkent shahri);

 

3-o‘rin g‘olibi Ikromov Bobur Ixtiyorjon o‘g‘li (Andijon viloyati).

 

“Eng yaxshi qo‘g‘irchoq teatri spektakli”respublika tanlovi g‘oliblari:

 

1-o‘rin g‘olibi Xorazm viloyati qo‘g‘irchoq teatri “Layli va Majnun” spektakli, rejissyor Shomurod Yusupov.
 

2-o‘rin g‘olibi Farg‘ona viloyati qo‘g‘irchoq teatri, “Mehr qayerda” spektakli, rejissyor G‘ayrat Hamroyev;

 

3-o‘rin g‘olibi Jizzax viloyati qo‘g‘irchoq teatri, “Oltin baliqcha” spektakli, rejissyor Saodat Usmonova.

 

“Eng yaxshi spektakli” respublika tanlovi g‘oliblari:

 

1-o‘rin g‘olibi Xorazm viloyati musiqali drama teatri, “Lazgining tug‘ilishi” spektakli, rejissyor Asqar Xolmo‘minov;

 

2-o‘rin g‘olibi Buxoro viloyati musiqali drama teatri, “Ovsar” spektakli, rejissyor Laziz Navro‘zov;

 

3-o‘rin g‘olibi Marg‘ilon shahar musiqali maqom teatri, “Iskandar” spektakli, rejissyor Obid Abdullayev;

3-o‘rin g‘olibi Berdaq nomidagi Qoraqalpoq davlat akademik musiqali teatri, “Qoraqalpoq qizi” spektakli, rejissyor Muxtar Reymov.