O‘zbekiston Respublikasi Madaniyat vazirligi

Madaniyat va san'at sohasi yoshlarini bir nuqtada birlashtirayotgan “Oltin kuz” forumi yuzasidan tadbir ishtirokchilari va OAVlar uchun matbuot anjumani o'tkazildi. 

Matbuot anjumani davomida Forum doirasida bo'lib o'tadigan tadbirlar haqida ma'lumot berildi.

Jumladan, Forum maqsadidan kelib chiqib, forum doirasida yoshlar uchun manfaatli bo‘ladigan bir qator tadbirlar:

yangi iqtidorlarni saralab olish va ijodkor yoshlar safini kengaytirish va ularni davlat tadbirlariga jalb etish maqsadida ijodiy tanlovlar;

yoshlarni ruhlantirish, oziga boʻlgan ishonchini oshirish, qiyinchiliklarni yengib o‘tish, sohaga fidoyiligini oshirishga qaratilgan taniqli shaxslar va malakali psixologlar ishtirokida motivatsion sessiya; 

madaniyat yoʻnalishlari boʻyicha koʻp yillik tajriba ega ustozlar tomonidan amaliy mashgʻulot va mahorat darslari; 

ijodkor yoshlar o‘z loyihalarini namoyish qilish va ijtimoiy tarmoqlar orqali ijod mahsulotlarini keng ommaga targʻib qilish mavzusida ijodkor yoshlar imiji va ijtimoiy media marketing (smm) seminar-treninglar; 

taniqli yosh shoirlar bilan ijodiy uchrashuv, shuningdek yosh sanʼatkorlar bilan shoirlarning hamkorligini yo‘lga qoʻyish orqali haqiqiy san’at va adabiyotdan yugʻrilgan mazmunli qo‘shiqlar yaratilishini yo‘lga qoʻyish maqsadida “Nazm gulshani” yosh shoirlar ijodiy uchrashuvi;

ijodiy jarayonlarda hamkorlikda ishlash va kreativ ijtimoiy loyihalar yaratishda birlashtirish;

gala – konsert va taqdirlash marosimi kabi tadbirlarning o'tkazilishi rejalashtirilganligi haqida ma'lum qilindi.

Forum 4-noyabrga qadar o'z ishini davom ettiradi.