Qonunchilikdagi yangiliklar
2025-04-23 17:25:00 / Yangiliklar
Korrupsiyaga qarshi kurashish tizimini yanada takomillashtirishga qaratilgan Prezident Farmoni qabul qilindi. (2025-yil 21-aprel PF-71)
Unga koʻra:
Oliy Majlis palatalari har yili byudjetdan eng koʻp mablagʻ oladigan uchta vazirlik va idorada korrupsiyaviy omillarni bartaraf etish boʻyicha takliflar kiritib boradi;
vazir va hokimlar lavozimiga nomzodlar tegishlicha Qonunchilik palatasi va xalq deputatlari Kengashida koʻrib chiqilayotganda ular tomonidan korrupsiyani oldini olish boʻyicha aniq rejasi himoya qilinishi yoʻlga qoʻyiladi;
yirik investitsiya loyihalarida xalqaro korrupsiyaga qarshi standartlar hamda yirik auksion shartlarini raqobatdoshlik ekspertizasidan oʻtkazish tartibi joriy etiladi;
byudjet va byudjetdan tashqari mablagʻlar hisobidan asosiy vositalarni xarid qilish boʻyicha talablar kuchaytiriladi;
davlat buyurtmachilari tomonidan toʻgʻridan-toʻgʻri shartnomalar boʻyicha xarid qilinadigan tovarlar turlari kamida ikki karra qisqartiriladi;
davlat idoralari va aholi oʻrtasidagi munosabatlarni aholining oʻzi baholaydigan tizim joriy etiladi.
Shuningdek, Farmon bilan korrupsiyaga qarshi kurashish samaradorligini oshirish boʻyicha yil yakuniga qadar ishlab chiqilishi lozim boʻlgan 21 ta normativ-huquqiy hujjatlar loyihalari roʻyxati tasdiqlandi.