Agentlikda “Byurokratiyani bartaraf etish – 2030” dasturi doirasida seminar bo‘lib o‘tdi
2026-11-12 14:45:00 / Yangiliklar

O‘zbekiston Respublikasi Energetika bozorini rivojlantirish va tartibga solish agentligida davlat xizmatlari va jarayonlarini soddalashtirish, ortiqcha hamda byurokratik jarayonlarni bartaraf etishga qaratilgan “Byurokratiyani bartaraf etish – 2030” dasturi doirasida seminar o‘tkazildi.
Tadbirda O‘zbekiston Respublikasi Prezidenti huzuridagi Strategik rivojlanish va islohotlar agentligining Loyiha ofisi xodimlari R. Ro‘ziqulov va S. To‘rabekov ishtirok etishdi.
Seminarda dastur doirasida belgilangan vazifalar, Agentlik tomonidan amalga oshirilishi rejalashtirilgan ishlarni “Zero Bureaucracy” raqamli platformasiga kiritish hamda erishilgan natijalarni qayd etish masalalari muhokama qilindi.
Shuningdek, mavjud xizmatlardagi ortiqcha vaqt va resurs talab qiluvchi jarayonlarni aniqlash, ularni maqbullashtirish hamda takrorlanuvchi hujjat talablarini bekor qilish usullari tahlil qilindi.
Seminar yakunida belgilangan vazifalarni o‘z vaqtida va sifatli amalga oshirish bo‘yicha zarur chora-tadbirlar belgilab olindi.



