O‘zbekiston Respublikasi Energetika bozorini rivojlantirish va tartibga solish agentligi

Prezidentimizning 2026-yil 22-sentyabrda “Yoqilg‘i-energetika tarmog‘ini yanada rivojlantirish chora-tadbirlari to‘g‘risida”gi PF–202-son Farmoni qabul qilindi.
 
Farmonga ko‘ra, Energetika bozorini rivojlantirish va tartibga solish agentligi (Regulyator) ning yangi faoliyat yo‘nalishlari belgilandi. Xususan:

• Elektr energiyasi, tabiiy va suyultirilgan gaz ta’minotida bozor tamoyillarini bosqichma-bosqich tashkil qilishni ta’minlash;
• Elektr energiyasi, tabiiy va suyultirilgan gaz bozorlarida raqobatni qo‘llab-quvvatlash, bozorning jozibadorligini hamda talab va taklifning mutanosibligini ta’minlash;
• Elektr energiyasi, tabiiy va suyultirilgan gaz bozorlarining barcha ishtirokchilari uchun teng huquq va shaffoflikni ta’minlovchi qonun-qoidalarga rioya etilishi ustidan davlat nazoratini o‘rnatish;
• Elektr energiyasi, tabiiy va suyultirilgan gaz bozorlari ishtirokchilari faoliyatini litsenziyalash, ularning litsenziya shartlariga amal qilishini nazorat qilish;
• Elektr energiyasini ishlab chiqarish, uzatish va taqsimlashdagi texnologik yo‘qotishlarning ruxsat etilgan me’yorlarini tasdiqlash;
• Bozor konyunkturasi va energiya resurslariga bo‘lgan ehtiyojdan kelib chiqqan holda ishlab chiqarish hajmlarini oshirishni rejalashtirish hamda infratuzilmani yaratishga qaratilgan uzoq muddatli investitsiya siyosatini shakllantirishda va amalga oshirishda ishtirok etish;
• 2028-yildan boshlab elektr energiyasi, tabiiy va suyultirilgan gaz ta’minotida:
  (a) tartibga solinadigan tariflar va to‘lovlarni tasdiqlash;
  (b) iste’molchilar huquqlari va qonuniy manfaatlarini himoya qilish, xizmatlar sifati ustidan monitoringni amalga oshirish hamda iste’molchilar murojaatlarini ko‘rib chiqishning samarali tizimini joriy etish vazifalari belgilandi.