Oʻzbekiston va Rossiya o‘rtasida muhandislik taʼlimi va ilmiy hamkorlikni rivojlantirish bo‘yicha hujjat imzolandi
2025-10-23 12:00:00 / Vazirlik yangiliklari
Hujjatni Oʻzbekiston Respublikasi Oliy taʼlim, fan va innovatsiyalar vazirining birinchi oʻrinbosari Sardor Rajabov hamda Rossiya Federatsiyasi Fan va oliy taʼlim vazirining oʻrinbosari Konstantin Mogilevskiy imzoladilar.
Mazkur memorandum ikki davlat oʻrtasida muhandislik sohasi boʻyicha taʼlim va ilmiy tadqiqotlarni yangi bosqichga olib chiqishni maqsad qiladi.
Hamkorlik doirasida ilgʻor muhandislik maktablarini tashkil etish, qoʻshma ilmiy-tadqiqot markazlari va laboratoriyalarni yoʻlga qoʻyish, olimlar, talabalar va aspirantlarning akademik mobilligini ragʻbatlantirish, qoʻshma taʼlim dasturlari hamda innovatsion startaplar tashabbuslarini qoʻllab-quvvatlash koʻzda tutilgan.
Shuningdek, tomonlar taʼlim va fan sohalarini raqamlashtirish, injiniring markazlari hamda texnoparklarni rivojlantirish, ilmiy anjumanlar, forumlar va olimpiadalar tashkil etish orqali oʻzaro hamkorlikni yanada mustahkamlashga kelishib oldilar.