Yunusobod tumani Abu Ali ibn Sino nomidagi jamoat salomatligi texnikumi o‘quvchilari Yaponiyada amaliyot o‘taydilar
2025-10-22 15:05:00 / Vazirlik yangiliklari
Safar davomida delegatsiya a’zolari Kobe universiteti hamda Yaponiya xalqaro hamkorlik agentligi (JICA) vakillari bilan uchrashuvlar o‘tkazdilar. Muzokaralar chog‘ida Yunusobod tumani Abu Ali ibn Sino nomidagi jamoat salomatligi texnikumining “Hamshiralik ishi” yo‘nalishida tahsil olayotgan o‘quvchilarning Yaponiyada amaliyot o‘tash jarayonlarini yo‘lga qo‘yish masalasi muhokama qilinib, bu borada o‘zaro kelishuvga erishildi.
Shuningdek, tomonlar Kobe shahridagi ilg‘or tibbiyot muassasalari va klinikalarda yaratilgan sharoitlar bilan tanishdilar. Muzokaralarda o‘quv-ishlab chiqarish jarayonini xalqaro standartlar asosida tashkil etish, o‘quvchilarning amaliy ko‘nikmalarini rivojlantirish hamda malakasini oshirish masalalari atroflicha ko‘rib chiqildi.
Safar yakunida Toshkent shahar Oliy ta’lim, fan va innovatsiyalar boshqarmasi, Abu Ali ibn Sino nomidagi jamoat salomatligi texnikumi, Kobe universiteti va JICA o‘rtasida “Kobe modeli” asosida hamkorlikni yo‘lga qo‘yish to‘g‘risidagi anglashuv memorandumi imzolandi.
Mazkur loyiha “Kobe modeli” doirasida tibbiyot yo‘nalishidagi o‘quvchilarga xalqaro amaliy tajriba orttirish, kasbiy mahoratini oshirish hamda ilg‘or xorijiy sog‘liqni saqlash tizimlari bilan yaqindan tanishish imkoniyatini yaratadi.