O‘zbekistonda Xalqaro ilm-fan kengashining mintaqaviy vakolatxonasini tashkil etish masalasi muhokama qilindi
2025-10-11 17:00:00 / Vazirlik yangiliklari
Muloqot chog‘ida Kengashning Markaziy Osiyo va Kavkazorti mintaqaviy vakolatxonasini Toshkent shahrida tashkil etish masalasi muhokama qilindi.
Ma’lumot uchun, Xalqaro ilm-fan kengashi ijtimoiy va tabiiy fanlar sohasidagi turli darajadagi ilmiy tashkilotlarni birlashtiruvchi nufuzli xalqaro nodavlat tashkilot bo‘lib, uning tarkibiga dunyoning 140 dan ortiq mamlakatidan 200 dan ziyod milliy ilmiy akademiyalar, ilmiy uyushmalar va tadqiqot kengashlari kiradi.
Piter Glyukman 9–10-oktyabr kunlari Toshkent shahridagi Markaziy Osiyo ekspo markazida (CAEx) bo‘lib o‘tgan “Ilm-fanning ustuvor yo‘nalishlari va Kengashning Markaziy Osiyo va Kavkazorti mintaqaviy vakolatxonasini tashkil etish” mavzusidagi maslahatlashuv yig‘ilishida ham ishtirok etdi.
Ushbu tadbirda Markaziy Osiyo davlatlari, shuningdek Turkiya, Eron, Gruziya va Ozarbayjon kabi mamlakatlarning Fanlar akademiyalari rahbarlari hamda ilm-fan va innovatsiyalarni rivojlantirishga mas’ul vazirlik va idoralar vakillari ishtirok etdilar.