“InnoWeek–2025” xalqaro innovatsion g‘oyalar haftaligi doirasida Yoshlar akademiyasining navbatdagi Assambleyasi bo‘lib o‘tdi
2025-10-09 14:10:00 / Vazirlik yangiliklari
Assambleyada Yoshlar akademiyasining 130 nafardan ortiq liderlari, “Eng yaxshi muhandis” respublika tanlovi g‘oliblari hamda akademiyaning faol a’zolari qatnashdi.
Kun tartibida Yoshlar akademiyasi faoliyatini yanada takomillashtirish, ilg‘or tajribalarni almashish, hududlardagi yoshlar bilan ishlash mexanizmlarini kuchaytirish masalalari hamda tashkilotning kelgusi yillarga mo‘ljallangan ustuvor yo‘nalishlari muhokama qilindi.
Ma’lumot uchun, Yoshlar akademiyasi davlatimiz rahbari tashabbusi bilan 2019-yilda tashkil etilgan bo‘lib, bugungi kunda Oliy ta’lim, fan va innovatsiyalar vazirligi tizimida faoliyat yuritadi. Tashkilot iqtidorli yoshlarni qo‘llab-quvvatlash, ularning innovatsion g‘oyalarini ro‘yobga chiqarish va ilm-fan sohasidagi faolligini oshirishga xizmat qilmoqda.