Fransiya bilan oliy va kasbiy ta’lim sohasidagi hamkorlik masalalari muhokama qilindi
2025-10-07 21:00:00 / Vazirlik yangiliklari
Vazir suhbat avvalida elchi U.Fukni O‘zbekistondagi diplomatik faoliyati boshlangani bilan tabriklab, unga mas’uliyatli ishida muvaffaqiyat tiladi.
Uchrashuvda tomonlar O‘zbekiston va Fransiya o‘rtasidagi oliy va kasbiy ta’lim hamda ilm-fan sohalaridagi hamkorlik istiqbollarini muhokama qildilar. Xususan, O‘zbek-Fransuz universitetini O‘zbekistonda tashkil etish masalasi bo‘yicha fikr almashildi.
Qo‘ng‘irotboy Sharipov ushbu loyiha ikki davlat rahbarlarining tashabbuslari samarasida shakllanayotganini ta’kidladi hamda Fransiya universitetlarining ilg‘or ta’lim tizimi va tadqiqot tajribasini O‘zbekistonga olib kirish muhimligini qayd etdi.
Tadbir yakunida vazir elchi U.Fukga mamlakatlar o‘rtasidagi hamkorlikni yanada mustahkamlash yo‘lidagi sa’y-harakatlari uchun minnatdorlik bildirdi.