TDIU va Sukuba universiteti o‘rtasida hamkorlik yo‘lga qo‘yildi
2025-10-02 16:00:00 / Vazirlik yangiliklari
Oliy ta’lim, fan va innovatsiyalar vaziri Qo‘ng‘irotboy Sharipov boshchiligidagi delegatsiya Yaponiyaga xizmat safari doirasida Sukuba universitetida bo‘ldi.
Uchrashuv davomida Sukuba universiteti prezidenti Kyosuke Nagata bilan O‘zbekiston oliy ta’lim muassasalari o‘rtasidagi hamkorlikni yanada rivojlantirish masalalari yuzasidan muzokaralar o‘tkazildi.
Tomonlar talabalar almashinuvi, professor-o‘qituvchilarni malaka oshirish va stajirovkalarga yuborish, qo‘shma ilmiy loyihalarni amalga oshirish kabi yo‘nalishlarda hamkorlikni rivojlantirish masalalarini muhokama qildilar.
Muzokaralar yakunida Toshkent davlat iqtisodiyot universiteti va Sukuba universiteti o‘rtasida hamkorlikning istiqbolli yo‘nalishlarini belgilab beruvchi kelishuv xatlari imzolandi.