Vazir Yaponiyada yoshlar bilan uchrashdi
2025-10-01 17:00:00 / Vazirlik yangiliklari
Yaponiyaga tashrifi doirasida Oʻzbekiston Respublikasi Oliy taʼlim, fan va innovatsiyalar vaziri Qoʻngʻirotboy Sharipov hamda Oʻzbekistonning Yaponiyadagi Favqulodda va Muxtor Elchisi Muhsinxoʻja Abdurahmonov bilan birgalikda Yaponiyada tahsil olayotgan oʻzbekistonlik talabalar, mamlakatimizga qiziqish bildirgan yapon talabalari, Oʻzbekiston haqida ilmiy izlanishlar olib borayotgan yapon tadqiqotchilari, shuningdek, Markaziy Osiyo davlatlaridan kelgan magistr va doktorantlar bilan uchrashuv oʻtkazdi.
Muloqot ochiq va samimiy ruhda oʻtdi. Yoshlar vazirga oʻzlarini qiziqtirgan savollar bilan murojaat qilib, Oʻzbekistondagi taʼlim islohotlari, ilmiy grantlar, stajirovkalar, akademik almashinuv dasturlari, hamda startaplarni qoʻllab-quvvatlash imkoniyatlari haqida maʼlumot oldilar.
Qoʻngʻirotboy Sharipov Oʻzbekiston hukumatining xalqaro tajriba almashish va yosh avlod salohiyatini rivojlantirishga qaratilgan ustuvor siyosati haqida toʻxtalib, yosh tadqiqotchilarni kelgusida mamlakatimiz oliy taʼlim va ilm-fan sohasida amalga oshiriladigan qator yirik loyihalarga hamkor sifatida jalb etish mumkinligini qayd etdi.
Yosh ishtirokchilar oʻz navbatida Oʻzbekiston haqidagi shaxsiy taassurotlari va ilmiy izlanishlari bilan oʻrtoqlashib, Oʻzbekiston universitetlari bilan hamkorlikda qoʻshma tadqiqotlarni kengaytirish va amalga oshirish masalalari muhokama qilindi.
Uchrashuvda Oʻzbekistonda faoliyat yuritgan ikki nafar yapon tadqiqotchisi ham ishtirok etdi. Ular oʻzbek tilida soʻzlashib, barcha ishtirokchilarda katta taassurot qoldirdi.