Vazirlik tizimida navbatdagi iqtisodiy o‘qish bo‘lib o‘tdi
2025-09-12 17:40:00 / Vazirlik yangiliklari
Oʻqish jarayonida ijro intizomini mustahkamlash, maqsadli ijtimoiy-iqtisodiy koʻrsatkichlarga erishish hamda KPI tizimi samaradorligini oshirish boʻyicha 9 oylik faoliyat tahlil qilindi. Shuningdek, 2025-yilning IV choragida bajarilishi lozim boʻlgan ustuvor vazifalar belgilab olindi.
Tadbirda Oliy ta’lim, fan va innovatsiyalar vazirining birinchi oʻrinbosari Sardor Rajabov, Vazirlar Mahkamasi masʼul xodimlari, vazirlik va tizim tashkilotlari rahbarlari bevosita va masofadan (onlayn) ishtirok etdi.
Seminar davomida ta’lim statistikasi va xalqaro reytinglarda yuqori koʻrsatkichlarga erishish masalalari, “Oʻzbekiston–2030” strategiyasi doirasida ilm-fan va innovatsion faoliyat sohasida belgilangan maqsadlarni amalga oshirishda oliy taʼlim tashkilotlarining oʻrni muhokama qilindi.
Yakunda ijro intizomini mustahkamlash, vazifalar ijrosini muntazam nazorat qilish va samaradorlikni oshirish boʻyicha aniq topshiriqlar berildi.