Özbekiston Respublikasi Ta’lim va ilm-fan vazirligi

Tadbirda vazirlik rahbariyati, xodimlar hamda ularning farzandlari ishtirok etdi. Uchrashuv davomida farzandlari oliy ta’lim muassasalari, Prezident maktablari va umumta’lim maktablarida o‘qishni boshlayotgan xodimlarning farzandlariga Oliy ta’lim, fan va innovatsiyalar vaziri Qo‘ng‘irotboy Sharipovning tabriknomasi, esdalik sovg‘alari va kitoblar topshirildi.

Tadbirda so‘z olgan vazirning birinchi o‘rinbosari Shohrux Daliyev yoshlarni mustaqil fikrlashga, ilmga va kitobxonlikka bo‘lgan qiziqishlarini yanada oshirish zarurligini ta’kidladi.

Shuningdek, yig‘ilish doirasida vazirlik va tizim tashkilotlari o‘rtasida shaxmat, shashka va stol tennisi bo‘yicha o‘tkazilgan “Vazir kubogi” sport musobaqalari g‘oliblari ham taqdirlandi.

Musobaqa g‘oliblari va faol ishtirokchilarga qimmatli sovg‘alar va Vazir kuboklari topshirildi. Tadbir yakunida san’atkorlar ishtirokida konsert dasturi namoyish etilib, barchaga bayramona kayfiyat ulashildi.