O‘zbekistonda ilk marotaba Butunjahon kasb-hunar kollejlari ko‘nikmalar tanlovi o‘tkazildi
2025-08-21 17:00:00 / Vazirlik yangiliklari
Musobaqa logistika va ta’minot zanjiri, sun’iy intellekt hamda ilg‘or texnologiyalar yo‘nalishlarida o‘tkazilib, yoshlarimizga o‘z kasbiy salohiyatini namoyon etish imkonini berdi.
Tanlov O‘zbekiston Respublikasi Transport vazirligi, Oliy ta’lim, fan va innovatsiyalar vazirligi, Xitoy Ta’lim vazirligi hamda yirik xalqaro kompaniyalar hamkorligida tashkil etildi.
Amaliy bosqichda 10 universitetdan 20 jamoa ishtirok etdi. Ular logistika, IT, sun’iy intellekt va robototexnika bo‘yicha bilim va ko‘nikmalarini sinovdan o‘tkazishdi.
Yakuniy natijalar:
Logistika va ta’minot zanjiri yo‘nalishida:
1-o‘rin — Toshkent davlat transport universiteti 1-jamoasi
2-o‘rin — Toshkent axborot texnologiyalari universiteti
3-o‘rin — Toshkent davlat transport universiteti 3-jamoasi
Sun’iy intellekt va ilg‘or texnologiyalar yo‘nalishida:
1-o‘rin — Toshkent davlat transport universiteti 1-jamoasi
2-o‘rin — Oxus University
3-o‘rin — Toshkent davlat transport universiteti 2-jamoasi
Tanlov yoshlarning kasbiy bilim va ko‘nikmalarini oshirish, xalqaro hamkorlikni mustahkamlash va O‘zbekiston ta’lim tizimini jahon miqyosida targ‘ib qilishga xizmat qildi.