Namangan shahrida ilg‘or kasbiy tayyorgarlik markazi (CoVE) ochildi
2025-08-21 12:00:00 / Vazirlik yangiliklari
Dastlab viloyat hokimi o‘rinbosari Otabek Bozorov, Oliy ta’lim, fan va innovatsiyalar vaziri o‘rinbosari Otabek Mahkamov, YuNESKOning O‘zbekistondagi vakolatxonasi rahbari Sara Noshadilar tabrik so‘zlari tinglandi.
Ramziy tasma kesilgach, ishtirokchilar loyiha doirasida ta’mirlangan binolar, o‘qituvchilar malakasini oshirish xonalari hamda yangi jihozlar bilan tanishdilar.
Tadbirning asosiy qismida Yevropa Ittifoqining hamkorlik bo‘limi rahbari Vim Riepma, IVED direktori Zayniddin Xudayberdiev, YuNESKOning O‘zbekistondagi vakolatxonasi rahbari Sara Noshadi, ta’lim loyihasi menejeri Hyun Kyung Park va boshqalar so‘zga chiqib, markazni tashkil etishdan ko‘zlangan maqsad va kutilayotgan natijalar haqida o‘z fikr-mulohazalarini bildirdilar.
Shuningdek, markaz direktori Shahnoza Mamajonova ishtirokchilarni Ilg‘or kasbiy tayyorgarlik markazining 2026 yildagi rejasi bilan tanishtirdi.
Ilg‘or kasbiy tayyorgarlik markazi (CoVE) viloyatimizda kasbiy ta’limni takomillashtirish, kadrlar sifati va salohiyatini oshirishga xizmat qilishi shubhasiz.