Hisob palatasi vakillari vazirlik “Situatsion markazi” faoliyati bilan tanishdi
2025-08-09 16:00:00 / Vazirlik yangiliklari
Unda Oliy ta’lim, fan va innovatsiyalar vaziri Qo‘ng‘irotboy Sharipov, vazir o‘rinbosari Sarvarxon Buzrukxonov hamda mas’ul xodimlar ishtirok etdilar.
Ishtirokchilarga Ichki audit boshqarmasi mutaxassislari tomonidan markaz faoliyatida amalga oshirilayotgan ishlar, mavjud muammolar va takliflar bo‘yicha taqdimot o‘tkazildi. Shuningdek, masofaviy nazorat samaradorligini oshirish va raqamlashtirish borasidagi kelgusidagi rejalar yuzasidan fikrlar bildirildi.
O‘rganish jarayonida vazirlik tizimidagi tashkilotlarda mablag‘larning maqsadli va samarali ishlatilishi, natijadorlik darajasi hamda masofaviy nazoratni amalga oshirish bo‘yicha markazda yaratilgan tizimli ishlar ijobiy baholandi.
Hisob palatasi raisi o‘rinbosari markaz faoliyatini yanada takomillashtirish va samaradorligini oshirish bo‘yicha o‘z fikr va takliflarini bildirdi. Kelgusida Hisob palatasi bilan hamkorlikdagi faoliyat rejasi ham belgilab olindi.