Surxondaryoda oliy ta’lim tizimi uchun muhim tashkiliy yig‘ilish bo‘lib o‘tdi
2025-08-05 18:25:00 / Vazirlik yangiliklari
Tadbirda Termiz shahridagi oliy ta’lim muassasalari rahbarlari, kasbiy ta’lim tashkilotlari vakillari, shuningdek, tumanlardagi politexnikum va texnikumlar direktorlarining Zoom platformasi orqali ishtiroki ta’minlandi.
Yig‘ilish davomida tashkiliy masala ko‘rib chiqilib, Otabek Mahkamov tomonidan Oliy ta’lim, fan va innovatsiyalar vazirining tegishli buyrug‘i o‘qib eshittirildi. Unga ko‘ra, Baxtiyor Gabbaraliyevich Kurbanov Surxondaryo viloyati Oliy ta’lim, fan va innovatsiyalar boshqarmasi boshlig‘i lavozimiga tayinlandi.
Tadbir davomida hududlarning ijtimoiy-iqtisodiy rivojlanishida oliy ta’lim muassasalarining o‘rni va ishtirokini yanada kuchaytirish, shuningdek, ta’lim, ilm-fan va ishlab chiqarish o‘rtasidagi integratsiyani ta’minlash masalalari ham muhokama qilindi. Mas’ul rahbarlar tomonidan ushbu yo‘nalishlarda aniq ko‘rsatmalar va tavsiyalar berildi.
Ma’lumot uchun: hozirda Surxondaryo viloyatida faoliyat yuritayotgan 47 ta kasbiy ta’lim tashkilotlarida 23 ming nafarga yaqin yoshlar 109 ta yo‘nalishda kasb-hunar o‘rganmoqda.
Bizni kuzating
Facebook (https://www.facebook.com/eduuzofficial) | Instagram (https://www.instagram.com/eduuzofficial/)| YouTube (http://youtube.com/c/eduuz) | Telegram (https://t.me/eduuz)