Talabalarni joylashtirish va yoshlar bilan ishlash bo‘yicha hamkorlik masalalari muhokama qilindi
2025-08-04 19:15:00 / Vazirlik yangiliklari
Tashrif davomida vazir o‘rinbosari universitet rektori Ilhomjon To‘xtasinov bilan birga talabalarni ro‘yxatga olish va manzilli yo‘naltirish jarayonlarini ko‘zdan kechirdi hamda samaradorlikni oshirish bo‘yicha tegishli tavsiyalar berdi.
Ma’lumot uchun: hozirda universitetda 6 ta talabalar turar joyi mavjud bo‘lib, ular jami 3184 o‘ringa ega. Shuningdek, 1725 ta ijara xonadoni bilan hamkorlik yo‘lga qo‘yilgan. Bu orqali jami 9000 nafarga yaqin talabaning yashash joyi bilan ta’minlanishi rejalashtirilgan.
Shu kuni universitetda Chilonzor tumanidagi mahalla yoshlar yetakchilari ishtirokida ochiq muloqot bo‘lib o‘tdi. Uchrashuvda vazir o‘rinbosari Otabek Mahkamov, rektor Ilhomjon To‘xtasinov hamda 55 nafar yoshlar yetakchilari qatnashdi.
Muloqotda yoshlarning xorijiy tillarga bo‘lgan qiziqishini qo‘llab-quvvatlash, ularni bepul til kurslariga jalb qilish hamda mahalla va oliy ta’lim muassasalari o‘rtasida hamkorlikni kuchaytirish masalalari muhokama qilindi. Mahallalarda bepul til kurslari tashkil etish, yoshlarning ehtiyojlarini aniqlash va bu borada universitet salohiyatidan samarali foydalanish bo‘yicha takliflar bildirildi.
Bizni kuzating
Facebook (https://www.facebook.com/eduuzofficial) | Instagram (https://www.instagram.com/eduuzofficial/)| YouTube (http://youtube.com/c/eduuz) | Telegram (https://t.me/eduuz)