Fargʻona texnikumlarida yoshlar uchun toʻgaraklar va kurslar keng yoʻlga qoʻyilmoqda
2025-07-10 15:00:00 / Vazirlik yangiliklari
Uchkoʻprik tumanidagi 2-sonli politexnikumda oʻtkazilgan uchrashuvda tuman hokimi oʻrinbosari va Yoshlar ishlari agentligi tuman boʻlimi rahbari, shuningdek, viloyatdagi barcha kasbiy taʼlim tashkilotlari direktorlari hamda yoshlar ishlari boʻyicha direktor oʻrinbosarlari ishtirok etdi.
Tashrif doirasida “Dolzarb 90 kun” dasturi asosida tashkil etilgan turli tadbirlar, koʻrik-tanlovlar, sport toʻgaraklari, IT va chet tillari kurslari, shuningdek, temirchilik va tikish-bichish kabi yoʻnalishlarda amalga oshirilayotgan tashabbuslar bilan tanishildi. Shuningdek, mahalla yoshlarini sport maydonlari va sport zallaridan samarali foydalanishga jalb qilish, ular uchun qulay shart-sharoitlar yaratish boʻyicha tegishli taklif va tavsiyalar berildi.
Shu kuni Qoʻqon shahridagi Abu Ali ibn Sino nomidagi Jamoat salomatligi texnikumiga ham tashrif buyurildi. Texnikumda yangidan tashkil etilgan kasbga, IT va xorijiy tillarga oʻqitish markazi faoliyati koʻzdan kechirildi. Markaz faoliyatini shahar mahallalari bilan hamkorlikda yoʻlga qoʻyish, yoshlarni kasb va til oʻrgatish orqali ularning bandligini taʼminlash boʻyicha aniq vazifalar va tavsiyalar berildi.