Namanganda “Karyera markazlari”ni tashkil etish bo‘yicha respublika seminari bo‘lib o‘tdi
2025-07-05 09:05:00 / Vazirlik yangiliklari
Seminarda Oliy ta’lim, fan va innovatsiyalar vazirligi mutasaddilari, respublikamizning barcha viloyatlaridan kelgan oliy taʼlim, fan va innovatsiyalar boshqarmalari boshliqlari, texnikum direktorlari, ish betuvchi korxonalar vakillari ishtirok etdi.
Tadbirni Namangan viloyati hokimi o‘rinbosari Otabek Bozorov ochib, u o‘z nutqida seminarni o‘tkazishdan ko‘zlangan asosiy maqsadlar, dolzarb vazifalar hamda kutilayotgan natijalar haqida batafsil ma’lumot berdi.
Seminar doirasida ishtirokchilar viloyatdagi yirik ishlab chiqarish korxonalari, namunali texnikumlar va faoliyat olib borayotgan karyera markazlari bilan yaqindan tanishildi. Shu bilan birga, mahorat darslari tashkil etilib, To‘raqo‘rg‘on tumanidagi ish beruvchilar ehtiyoji asosida zarur bo‘lgan mutaxassisliklar hamda kasb egalari haqida ma’lumotlar taqdim etidi.
Shuningdek, texnikumlarda o‘quvchilar uchun yaratilgan shart-sharoitlar, ish beruvchilar bilan imzolangan hamkorlik shartnomalari, amalga oshirilayotgan ilg‘or ishlar, dual ta’lim tizimini joriy etish bo‘yicha tajriba almashildi.