Oliy taʼlim tashkilotlari axborot xizmatlari xodimlarining malakasi oshirilmoqda
2025-07-03 10:25:00 / Vazirlik yangiliklari
Mazkur malaka oshirish dasturi doirasida mamlakatimizdagi 100 dan ortiq oliy taʼlim tashkilotlarining axborot xizmatlari xodimlari ishtirok etmoqda.
Kursning asosiy maqsadi – axborot xizmatlari xodimlarining kasbiy bilim va amaliy ko‘nikmalarini zamonaviy axborot-kommunikatsiya texnologiyalari asosida takomillashtirish, ularning axborot siyosatini professional darajada yuritish bo‘yicha yondashuvlarini shakllantirishdan iborat.
Bugun malaka oshirish kursining ilk mashg‘ulotlariga start berildi. Unda sohaning yetuk mutaxassislari tomonidan ishtirokchilarga nazariy bilimlar bilan birga quyidagi yo‘nalishlarda amaliy ko‘nikmalar ham o‘rgatilmoqda:
- PR sohasida sunʼiy intellektdan foydalanish imkoniyatlari;
- Prompt engineering asoslari;
- Axborot va taʼlim beruvchi hamda koʻngilochar kontentlar orqali PR faoliyatini yoʻlga qoʻyish;
- Inqiroz holatlarida jamoatchilik va manfaatdor tomonlar bilan samarali aloqa o‘rnatish;
- Axborotni tanqidiy tahlil qilish, fakt va manbalarni tekshirish bo‘yicha ilg‘or ko‘nikmalarni shakllantirish.
Malaka oshirish kursi yakunida ishtirokchilarga sertifikatlar topshiriladi.